وپەك مىندەتتەمەلەرىن ورىنداۋ- ورىنداماۋ ءوز ەركىمىزدە - «قازمۇنايگاز» باسشىسى

- بىرىنشىدەن، ەگەر وپەك- ءتى، ونىڭ مۇناي كولەمىن الىپ قاراساق، ونداعى ءبىزدىڭ ۇلەسىمىز سالىستىرمالى تۇردە العاندا از. ەكىنشىدەن، وپەك- ءتىڭ قانداي مۇشەسىمىز؟ مۇنى ەشكىم ايتپايدى. ءبىز - باقىلاۋشىمىز. ياعني، مىندەتتەمەلەردى ورىنداۋ- ورىنداماۋ ءوز ەركىمىزدە. وپەك- كە مۇشە رەتىندە كىرمەدىك. مۇناي باعاسىنا اسەر ەتۋ ماقساتىندا تالاپتارىن ورىنداۋعا تىرىسامىز. ءبىراق، مەنىڭ جەكە پىكىرىم، ول مىندەتتەمە ەمەس. ءبىز ءوزىمىزدىڭ جاعدايىمىزعا قاراۋىمىز قاجەت، - دەدى اسحات حاسەنوۆ.

ۇلتتىق كومپانيا باسشىسىنىڭ دەرەگىنشە، ەلىمىز جىل سايىن شامامەن 90 ميلليون تونناعا جۋىق مۇناي وندىرەدى. ونىڭ 56 ميلليون تونناسى كاسپي قۇبىر كونسورتسيۋمى ارقىلى ەكسپورتقا شىعارىلادى. مۇنان بولەك، باكۋ- تيبيليسي- دجەيحان، «دوستىق» قۇبىرلارى ارقىلى دا سىرتقى نارىقتارعا جونەلتىلەدى. ال ىشكى نارىققا 17 ميلليون توننا مۇناي تيەسىلى. سونىمەن قاتار ول مەملەكەت باسشىسى تاراپىنان مۇناي- گاز حيميا سالاسىن دامىتۋعا قاتىستى ناقتى تاپسىرما بولعانىن اتاپ ءوتتى.

- ەگەر مۇناي- گاز حيميا زاۋىتى سالىنسا، وندا ونىڭ مۋلتيپليكاتيۆتى اسەرى قوسىمشا سالالاردا 6-7 جۇمىس ورنىن اشۋعا مۇمكىندىك بەرەدى. ونى جەڭىل تۇسىندىرۋگە بولادى. قازىر گازدان پوليپروپيلەن الامىز. پوليپروپيلەننەن كوپتەگەن باسقا تاۋار شىعارىلادى. شىمكەنتتە «بال تەكستيل» كىلەم زاۋىتى بار. ولار ونىمدەرىن پوليپروپيلەننەن توقيدى. ياعني، تىزبەك ۇلعايعان سايىن جاڭا جۇمىس ورىندارى اشىلىپ، ەكونوميكالىق اسەرى ۇلكەن بولادى، - دەدى ول.

قازاقستاننىڭ دالەلدەنبەگەن مۇناي قورىنىڭ كولەمى قانشا ەكەنىن جازعان بولاتىنبىز.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى