جەڭىلمەگەن قازاقستاندىق چەمپيون WBC رەيتينگىندە جەكپە- جەكسىز كوتەرىلدى
WBC رەيتينگىنىڭ جاڭارتىلعان نۇسقاسىندا سۋپەرورتا سالماقتا ايدوس ەربوسىن ۇلى 12- ورىننان 11-شىگە كوتەرىلدى. ايتا كەتەيىك، قازاقستاندىق سپورتشى جەلتوقسان ايىنان بەرى جەكپە- جەك وتكىزگەن جوق. سول كەزدە ول گانا بوكسشىسى يسسا ءساميردى (19-1،16 ك و) نوكاۋتقا جىبەرگەن ەدى. ەربوسىن ۇلى WBC Asia, WBA International جانە WBO Global ءۇش چەمپيوندىق تيتۋلعا يە.
بىلتىر ايدوس ەربوسىن ۇلى ەكى جەكپە- جەك وتكىزىپ ۇلگەردى. يسسا ساميرمەن جۇدىرىقتاسۋدان بولەك، شىلدە ايىندا نيگەريا تۋماسى، نەمىس بوكسشىسى نۋحۋ لاۆالمەن (27-8، 15 ك و) ايقاسىپ، تورەشىلەردىڭ ءبىراۋىزدان شىعارعان شەشىمىمەن جەڭىسكە جەتكەن. بيىل ەربوسىن ۇلى ازىرگە رينگكە شىققان جوق.
