داۋرەن ەلەۋسىنوۆتىڭ WBC تيتۋلى ءۇشىن جەكپە-جەگى بوكس كەشىنىڭ ۇستىندە توقتاتىلدى
داۋرەن ەلەۋسىنوۆ ايقاستىڭ بولمايتىنى تۋرالى بوكس كەشىنىڭ ۇستىندە بىلگەن. جەرگىلىكتى بيلىك بۇل جەكپە-جەكتىڭ وتكىزىلۋىنە قارسى شىقتى. ولاردىڭ مالىمدەۋىنشە بۇل شەشىم دۇنيەجۇزىلىك بوكس كەڭەسى (WBC) سياقتى قۇرمەتتى ۇيىمنىڭ ابىرويىنا نۇقسان كەلمەۋى ءۇشىن قابىلدانعان.
ولار جارىس وتكەن گۆادالاحارانىڭ COVID-19 كوروناۆيرۋسىن جۇقتىرۋدىڭ «قىزىل» ايماعىنا كىرەتىنىن ەسكە سالدى.
باسقا جەكپە-جەكتەر جوسپارلانعان كەستە بويىنشا وتكىزىلەدى. ەلەۋسىنوۆ پەن رايگوسا اراسىنداعى تيتۋلدىق جەكپە-جەكتىڭ ەندى ءبىر اپتادان كەيىن مەكسيكانىڭ باسقا قالاسى - مەحيكودا وتەدى دەپ كوزدەلىپ وتىر.
ەسكە سالا كەتسەك، WBC نۇسقاسى بويىنشا ورتا سالماق دارەجەسىندە الەم چەمپيونى - امەريكا بوكسشىسى دجەرمالل چارلو (30-0، 22 ك و). سونداي-اق قازاقستاندىق گەننادي گولوۆكين دە (40-1-1، 35 ك و) بۇل ديۆيزيوندا IBF جانە IBO ەكى بەلدىگىنە يە.
