ساۋل الۆارەس ەكىنشى ورتا سالماقتا WBC جانە WBA تيتۋلىن جەڭىپ الدى

جەكپە- جەكتە ەكىنشى ورتا سالماقتا WBC/WBA جانە The Ring تيتۋلى ساراپقا سالىندى. 12 راۋندقا سوزىلعان ايقاستا مەكسيكالىق بوكسشى ايقىن باسىمدىلىق تانىتتى. ال بۇعان دەيىن ەكىنشى ورتا سالماقتا ءبىرىنشى ورىندا بولعان بريتاندىق بوكسشى باستاپقى 6 راۋندتا ساۋاتتى قارسىلىق كورسەتە ءبىلدى. الايدا، ساۋل الۆارەس جەكپە-جەكتىڭ ەكىنشى جارتىسىنان باستاپ قارقىنىن ۇدەتە ءتۇستى.

قورتىندىسىندا، «كانەلو» تورەشىلەردىڭ ءبىراۋىز شەشىمىمەن (119-109/119-109/117-111) جەڭىسكە جەتىپ، ەكىنشى ورتا سالماقتا WBC/WBA جانە The Ring تيتۋلىن جەڭىپ الدى. ايتا كەتەيىك، ساۋل الۆارەس كاسىپقوي بوكستاعى مانسابىن 2005 -جىلى جارتىلىاي ورتا سالماقتان (welterweight/66,7 ك گ) باستاعان بولاتىن. 2011 -جىلى ءبىرىنشى ورتاشا سالماقتا العاشقى چەمپيوندىق تيتۋلىن (WBC بەلدىگى) يەمدەندى.

2015 -جىلى ورتا سالماقتا WBC چەمپيونى اتانىپ، 2017-2018 -جىلى قازاقستاندىق بوكسشى گەننادي گولوۆكينمەن (40-1-1، 35 ك و) جۇدىرىقتاستى. جەكپە-جەك قورتىندىسى داۋعا ۇلاسقانىنا قاراماستان، «كانەلو» ورتا سالماقتا WBC/WBA/IBF/IBO بەلدىكتەرىن يەلەندى. سونداي-اق، ساۋل الۆارەس جارتىلاي اۋىر سالماق جانە ەكىنشى ورتا سالماقتا چەمپيوندىق تيتۋلدى جەڭىپ الدى.

اۆتور: مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى