جانىبەك ءالىمحان ۇلى WBC رەيتينگىندەگى ۇزدىك 5 سپورتشىنىڭ قاتارىنا ەندى
WBC رەيتينگىنىڭ جاڭارتىلعان نۇسقاسىندا قازاقستاندىق بوكسشى جانىبەك ءالىمحان ۇلى 72،6 كەلىگە دەيىنگى سالماق دارەجەسىندە توپ-5 بوكسشىنىڭ قاتارىنا ەندى. وتكەن ايمەن سالىستىرعاندا جانىبەك ءبىر ساتىعا جوعارىلاپ، رەيتينگتىڭ بەسىنشى قاتارىنا كوتەرىلگەن. رەيتينگتىڭ كوشىن بۇرىنعىشا ساۋل الۆارەس باستاپ تۇر.
ەسكە سالا كەتسەك، ءالىمحان ۇلى ورتا سالماقتاعى WBO Global چەمپيوندىق بەلبەۋىنىڭ يەگەرى. ول ءوزىنىڭ سوڭعى جەكپە- جەگىن قىركۇيەكتە وتكىزىپ، ارگەنتينالىق بوكسشى گونسالو كوريانى (16-4، 6 ك و) ەكىنشى راۋندتا نوكاۋتپەن جەڭگەن بولاتىن.
