گولوۆكيننىڭ WBA چەمپيونىمەن قانداي جاعدايدا جەكپە-جەك وتكىزەتىنى ايتىلدى
بۇل تۋرالى Vesti.kz تىلشىسىنە بريتاندىق كاسىپقوي بوكس ەكسپەرتى لي كورملي ايتىپ بەردى. مامان سونىمەن قاتار بۇل جەكپە-جەكتىڭ وتۋىنە اسەر ەتەتىن ەڭ نەگىزگى فاكتوردى دا ءسوز ەتتى.
«مەن گولوۆكين مەن مۋراتا كوماندالارىنىڭ اراسىنداعى كەلىسسوزدەر تۋرالى بىلەمىن. بۇل كەزدەسۋ مامىر ايىندا جاپونيادا ءوتۋى ىقتيمال. تۇسىنۋىمشە، تريبۋناعا جانكۇيەرلەردى كىرگىزۋ مۇمكىندىگى دە قاراستىرىلىپ جاتىر. بۇل ەڭ ماڭىزدى فاكتور بولىپ تۇر. ەگەر جانكۇيەرلەردىڭ كىرۋىنە مۇمكىندىك بولسا، گولوۆكين مەن مۋراتا جەكپە-جەككە كەلىسەدى. سوڭعى ءارى ناقتى شەشىم وسى ناۋرىز ايىنىڭ سوڭىنا قاراي شىعاتىن شىعار. قالاي بولعاندا دا بۇل كەزدەسۋگە قىزىعۋشىلار كوپ، سوندىقتان ول ەرتە مە، كەش پە بيىل وتكىزىلۋى ءتيىس»، - دەدى كورملي.
وسىدان ازداعان ۋاقىت بۇرىن قازاقستاندىق بوكسشىنىڭ كومانداسى مۋراتامەن جەكپە-جەك تۋراسىندا كەلىسسوزدەر جۇرگىزىپ جاتقاندىعى تۋرالى اقپارات شىققان بولاتىن. جەكپە-جەك شامامەن 2021-جىلدىڭ كوكتەمىندە جاپونيادا وتكىزىلەدى دەپ جوسپارلانعان ەدى.
ەستەرىڭىزگە سالا كەتەيىك، GGG ءبىرىنشى ورتا سالماقتا الەمنىڭ ەكس-چەمپيونى حايمە مۋنگيامەن (36-0، 29 ك و) كەزدەسۋ وتكىزۋى مۇمكىن دەگەن دە اقپار تاراعان.
