حالىقارالىق دامۋ اگەنتتىگىنىڭ بارلىق قىزمەتكەرى 30-قىركۇيەككە دەيىن جۇمىستان بوساتىلادى
USAID- تىڭ كەيبىر فۋنكتسيالارى 1-شىلدەگە دەيىن ا ق ش مەملەكەتتىك دەپارتامەنتىنە بەرىلەدى، دەپ حابارلايدى تاسس.
Reuters اگەنتتىگىنىڭ مالىمەتىنشە، USAID-تىڭ بارلىق شەتەلدىك ميسسيالارى 2025 قارجى جىلىندا (ا ق ش-تا 30-قىركۇيەكتە اياقتالادى) جابىلادى.
ا ق ش مەملەكەتتىك حاتشىسى ماركو رۋبيو اگەنتتىكتى قايتا ۇيىمداستىرۋ بارىسىندا USAID-تىڭ كەيبىر فۋنكتسيالارى 1-شىلدەگە دەيىن مەملەكەتتىك دەپارتامەنتكە بەرىلەتىنىن مالىمدەدى. ول سونداي-اق «[ا ق ش] اكىمشىلىگىنىڭ باسىمدىقتارىنا سايكەس كەلمەيتىن» باسقا فۋنكتسيالاردىڭ توقتاتىلاتىنىن ايتتى.
ەسكە سالساق، 2025 -جىلدىڭ قاڭتارىندا ا ق ش پرەزيدەنتى دونالد ترامپتىڭ اكىمشىلىگى كۇتپەگەن جەردەن ا ق ش-تىڭ حالىقارالىق دامۋ اگەنتتىگى (USAID) ارقىلى كورسەتىلەتىن شەتەلدىك كومەكتىڭ باسىم بولىگىن 90 كۇندىك شولۋ جۇرگىزۋ ءۇشىن توقتاتىپ تاستاعان بولاتىن.
اق ءۇي USAID-تىڭ ونداعان جىلدار بويى ميللياردتاعان دوللاردى باقىلاۋسىز، پايداسىز جانە كۇماندى جوبالارعا جۇمساعانىن العا تارتىپ وتىر.
بۇعان دەيىن USAID-تىڭ 2024 -جىلى قازاقستانعا قانشا قاراجات بولگەنى حابارلانعان ەدى.
