تەز بايىعىسى كەلگەن 1200 قازاقستاندىق سان سوعىپ قالدى

بۇل تۋرالى ءى ءى م كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعى باسشىسىنىڭ ورىنباسارى رۇستەم دۇيسەتايەۆ ايتتى، - دەپ حابارلايدى Massaget.kz ءتىلشىسى.

ونىڭ سوزىنشە، جىل باسىنان بەرى قازاقستاندا 15,5 مىڭ ينتەرنەت-الاياقتىق دەرەگى تىركەلگەن.

«الاياقتاردىڭ ارەكەتى سالدارىنان قازاقستاندىقتارعا 13 ميلليارد تەڭگە زالال كەلدى. مۇندا ءجيى كەزدەسەتىن ءادىس - ونلاين-ساۋدا. بۇعان قاتىستى 7 مىڭ دەرەك تىركەلدى. بانكتەردە جانە ميكروكرەديتتىك ۇيىمداردا جالعان ونلاين-قارىزدى راسىمدەۋدىڭ 1600 جاعداي انىقتالدى»، - دەدى ول ءى ءى م- دە وتكەن بريفينگتە.

سونداي-اق، رۇستەم دۇيسەتايەۆ تەز بايىعىسى كەلەتىن قازاقستاندىقتار دا سان سوعىپ قالعانىن ايتتى.

«ولار اقشاسىن كوبەيتۋ ءۇشىن قارجىسىن ءارتۇرلى كۇماندى جوبالارعا سالادى. ءبىر جىلدا 1200 ادام وسىنداي سحەمالاردىڭ قۇربانى بولدى، ولار ءوز اقشالارىن جۇمىس ىستەمەيتىن ينۆەستيتسيالىق جوبالارعا سالدى. سونداي- اق، كەيبىر جاعدايدا وسى ماقساتقا نەسيە راسىمدەگەن. جەڭىل اقشانى ىزدەيمىن دەپ جيناقتارىن جوعالتتى»، - دەدى پوليتسەي.

ول الاياقتار ۇلتتىق كومپانيالاردىڭ، بانكتەردىڭ، كريپتوبيرجالاردىڭ اتىنان جالعان سايتتار جاساۋ ارقىلى تۇرعىنداردى جەڭىل اقشا تابۋعا قىزىقتىراتىنىن مالىمدەدى.

«ولار «مەنەدجەرلەرمەن» جانە «بروكەرلەرمەن»" بارلىق بايلانىس ونلاين، ونىڭ ىشىندە مەسسەندجەرلەر ارقىلى بولاتىنىن ايتادى. كەيبىر جاعدايدا الاياقتار ۇلكەن سومانى تارتۋ ءۇشىن ديۆيدەندتەردى ءبىر رەتتىك تولەيدى. فيشينگتىك سىلتەمەلەردى جىبەرۋ ارقىلى قازاقستاندىقتاردىڭ شوتىنان 1 مىڭ ۇرلىق جاسالدى. بانكتەر، قۇقىق قورعاۋ ورگاندارى قىزمەتكەرلەرىنىڭ اتىنان جاسالاتىن الاياقتىق ەرەكشە الاڭداۋشىلىق تۋعىزادى. وسىنداي تاسىلمەن جىل باسىنان بەرى 3 مىڭنان اسا الاياقتىق جاسالدى»، - دەدى رۇستەم دۇيسەتايەۆ.

ايتا كەتەيىك، بانك پەن پوليتسيا قىزمەتكەرلەرى ەشقاشان قازاقستاندىقتارعا حابارلاسىپ، جەكە دەرەكتەردى سۇرامايدى جانە تەلەفون ارقىلى ارنايى وپەراتسيالار جۇرگىزۋدى تالاپ ەتپەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى