پۋتين توقايەۆتى سانكت- پەتەربۋرگكە شاقىردى

«قاسىم-جومارت كەمەل ۇلىمەن قاراشا ايىنىڭ سوڭىندا مينسكىدە ۇ ق ش ۇ سامميتىندە تاعى دا جۇزدەسەتىن بولامىز. سونىمەن قاتار، قازاقستان پرەزيدەنتىنە جەلتوقساندا جوعارى ەۋرازيالىق ەكونوميكالىق كەڭەس وتىرىسىنا، سونىمەن قاتار داستۇرگە اينالعان ە ا ە و مەن ت م د كوشباسشىلارىنىڭ بەيرەسمي كەزدەسۋىنە قاتىسۋ ءۇشىن سانكت- پەتەربۋرگكە شاقىرۋىمدى بەردىم»، - دەدى ۆلاديمير پۋتين اقوردادا وتكەن كەلىسسوزدەردەن كەيىنگى باسپا سوزگە ارنالعان بريفينگتە.

سونىمەن قاتار ول رەسەي مەن قازاقستان اراسىندا بەيبىت اتوم سالاسىنداعى بايلانىستار ءساتتى دامىپ كەلە جاتقانىن، ۋران ءوندىرۋ جانە بايىتۋ سالاسىندا بىرلەسكەن كاسىپورىن جۇمىس ىستەپ تۇرعانىن ايتتى.

«قازاقستان نارىعىندا كومىر، مىس جانە باسقا دا سۇرانىسقا يە رەسۋرستاردى ءوندىرۋ سالاسىندا كوپتەگەن ءىرى رەسەيلىك تاۋ- كەن كومپانيالارى جەمىستى جۇمىس ىستەۋدە. ەلدەرىمىز ونەركاسىپتىك كووپەراتسيانىڭ ءبىرقاتار ءىرى بىرلەسكەن جوبالارىن جۇزەگە اسىرۋدا. ءبىز بۇل كورپەراتسيانى تەرەڭدەتۋگە، قازاقستان اۋماعىندا قوسىمشا قۋاتتاردى قۇرۋعا، بەلگىلى ءبىر تەحنولوگيالار مەن قۇزىرەتتەردى بەرۋگە دايىنبىز»، - دەدى رەسەي پرەزيدەنتى.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى