پۋتين مەن ترامپتىڭ تەلەفونمەن جۇرگىزىلگەن كەلىسسوزدەرىنىڭ قورىتىندىسى
استانا. KAZINFORM - وسىعان دەيىن رەسەي مەن ا ق ش پرەزيدەنتتەرى تەلەفون ارقىلى سويلەستى. پرەزيدەنتتەر ۋكراينا ايماعىندا قالىپتاسقان جاعداي تۋرالى پىكىر الماستى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ۆلاديمير پۋتين دونالد ترامپقا اتىستى توقتاتۋ ماقساتىنىڭ ورىندالۋىنا ىقپال ەتۋگە دەگەن ۇمتىلىسى ءۇشىن ريزاشىلىعىن ءبىلدىردى.
حابارلامادا پۋتين دونالد ترامپتىڭ 30 كۇندىك ەنەرگەتيكالىق ينفراقۇرىلىمعا شابۋىل جاساماۋ جونىندەگى باستاماسىنا قولداۋ ءبىلدىرىپ، بىردەن اسكەرگە ءتيىستى بۇيرىق بەردى.
سونىمەن قاتار ول 19-ناۋرىز كۇنى «175 نا 175» فورماتىندا كەپىلدەگى ساربازدار الماستىرىلاتىنىن حابارلادى. ماسكەۋ اۋىر جارالانىپ، رەسەي اۋرۋحانالارىندا ەم الىپ جاتقان 23 ۋكراين ساربازىن ەلىنە قايتاراتىنىن ايتتى.
ا ق ش پەن رەسەي ۋكرايناداعى شيەلەنىستى رەتتەۋ ءۇشىن ساراپشىلار توبىن قۇرماق.
كوشباسشىلار سونىمەن قاتار حالىقارالىق دەڭگەيدەگى ماسەلەلەردى تالقىلادى. ونىڭ ىشىندە ا ق ش- تىڭ حۋسيتتەرگە قارسى وپەراتسيا جۇرگىزىپ جاتقان قىزىل تەڭىز بەن جالپى تاياۋ شىعىستاعى جاعداي دا بار.
- شيەلەنىس ايماقتارىنداعى جاعدايدى تۇراقتاندىرۋعا، يادرولىق قارۋدى تاراتپاۋ مەن جاھاندىق قاۋىپسىزدىكتى قامتاماسىز ەتۋگە بىرلەسىپ، كۇش جۇمىلدىرىلادى. بۇل رەسەيلىك-امەريكالىق قارىم- قاتىناستاردى وڭالتۋعا ىقپال ەتەدى، - دەلىنگەن كرەمل حابارلاماسىندا.
پۋتين شيەلەنىستى بەيبىت جولمەن شەشۋگە بەيىل ەكەندىگىن ءبىلدىرىپ، وسى باعىتتاعى شەشىمدەردى ا ق ش- پەن بىرگە بۇگە-شىگەسىنە دەيىن دايىنداۋعا دايىن ەكەنىن جەتكىزدى جانە بۇل شەشىمدەر كەشەندى، تۇراقتى جانە ۇزاقمەرزىمدى بولۋى كەرەك.
تاراپتار سونىمەن قاتار ەكىجاقتى قارىم-قاتىناستى جەتىلدىرۋگە مۇددەلى ەكەندىكتەرىن مالىمدەدى. پرەزيدەنتتەر وسى تالقىلانعان ماسەلەلەر بويىنشا بايلانىستا بولۋعا كەلىستى.
