پۋتين مەن ترامپتىڭ سويلەسۋى ەكى جاقتىڭ باستاماسىمەن وتەدى - پەسكوۆ
استانا. KAZINFORM - رەسەي پرەزيدەنتىنىڭ باسپا ءسوز حاتشىسى ەكى ەل باسشىلارى اڭگىمەسىنىڭ قورىتىندىسى باسپا سوزگە حابارلاناتىنىن ايتتى، دەپ جازادى ت ا س س.
ۆلاديمير پۋتين مەن دونالد ترامپتىڭ الداعى اڭگىمەسى ەكى جاقتىڭ دا باستاماسىمەن وتەدى. بۇل تۋرالى تاسس اگەنتتىگىنىڭ ساۋالىنا جاۋاپ بەرگەن رەسەي پرەزيدەنتىنىڭ باسپا ءسوز حاتشىسى دميتري پەسكوۆ حابارلادى.
- بۇل ءوزارا كەلىسىم، - دەدى كرەمل وكىلى.
پەسكوۆ ەكى ەل باسشىلارى اڭگىمەسىنىڭ ناتيجەسى تۋرالى باسپا سوزگە حابارلاناتىنىن اتاپ ءوتتى.
- ءبىز قالاي بولاتىنىن ءالى شەشكەن جوقپىز، ءبىراق مىندەتتى تۇردە حابار تاراتامىز، - دەپ سەندىردى ول.
پەسكوۆ بۇعان دەيىن پۋتين مەن ترامپتىڭ سويلەسۋى 18-ناۋرىزعا جوسپارلانعانىن ايتقان بولاتىن. ول اڭگىمەلەسۋ قانشا قاجەت بولسا، سونشا ۋاقىتقا سوزىلاتىنىن ايتتى. ترامپ جۋرناليستەرگە ۋكرايناداعى قاقتىعىس اياسىندا اۋماقتىق جانە ينفراقۇرىلىمدىق ماسەلەلەرگە ەرەكشە نازار اۋدارۋعا نيەتتى ەكەنىن ءبىلدىردى.
