تيمۋر قۇلىبايەۆتىڭ كومپانياسىنا قوماقتى ايىپپۇل سالىندى
اتىراۋ وبلىسىندا تيمۋر قۇلىبايەۆتىڭ كومپانياسىنا ايىپپۇل سالىندى، - دەپ حابارلايدى اتىراۋ وبلىسىنىڭ پروكۋراتۋراسى.
Joint Technologies ج ش س- نەن «سۇيىتىلعان مۇناي گازىن ساقتاۋ پاركى» ج ش س ۇلەسىنىڭ 50 پايىزىن ساتىپ الۋ-ساتۋ شارتى بويىنشا ەرەكشە تالاپتاردى بۇزعانى ءۇشىن بيۋجەتكە 1,7 ميلليارد تەڭگە مولشەرىندە تۇراقسىزدىق ايىبى ءوندىرىلدى.
«سونداي-اق، باسەكەلەستىكتى قورعاۋدى بۇزعانى ءۇشىن «سۇيىتىلعان مۇناي گازىن ساقتاۋ پاركى» ج ش س سوت قاۋلىسى بويىنشا، ا ق ب ت ك- ءنىڭ 159-بابى 3-1-بولىگى بويىنشا اكىمشىلىك جاۋاپتىلىققا تارتىلىپ، 324 ميلليون تەڭگە كولەمىندە ايىپپۇل سالىندى. بۇعان دەيىن پروكۋرورلىق تەكسەرۋ ناتيجەلەرى بويىنشا جالپى سوماسى 5,7 ميلليارد تەڭگەگە 50 پايىز ۇلەس تۇرىندەگى مۇلىك مەملەكەتكە قايتارىلعان بولاتىن»، - دەلىنگەن حابارلامادا.
2023-جىلعى قازانداعى Forbes دەرەكتەرى بويىنشا، Joint Technologies ج ش س مەنشىك يەسى تيمۋر قۇلىبايەۆ بولىپ تابىلاتىن «كيپروس» ج ش س- ءنىڭ ەنشىلەس قۇرىلىمىنا تيەسىلى.
