تيبەتتە كوشپەلىلەر مادەنيەتىن ايگىلەيتىن ەرەكشە شايحانا اشىلدى
استانا. KAZINFORM - قىتايدىڭ تيبەت اۆتونوميالىق ولكەسىنىڭ ناكۋ قالاسىندا كوشپەلىلەر مادەنيەتىن ايگىلەيتىن «شوپان قازىناسى» اتتى ەرەكشە شايحانا اشىلدى، دەپ حابارلايدى قىتايلىق «حالىق گازەتى».
1200 شارشى مەترلىك ەرەكشە ستيلدەگى شايحانانى حالىقتىق سالت-داستۇرمەن شەبەر بايلانىستىرعان. بۇل جەرگە كەلگەن قوناقتار شاي ءىشىپ، ءارتۇرلى ءدامدى استارمەن تاماقتانىپ، تيبەت كوشپەلى مادەنيەتىنىڭ ەرەكشەلىگىن سەزىنە الادى.
شايحانانىڭ اينالاسى مەن دالىزدەرىنە جەرگىلىكتى حالىقتىڭ ۇلتتىق مۇراعاتتارىنىڭ 700 دەن استام تۇرىنەن 3000 نان استام بۇيىم قويىلعان.
ونىڭ ىشىندە جاس تولدەرگە ءسۇت بەرەتىن مۇيىزدەن جاسالعان بوتەلكەلەر، سىرىڭكە قورابىنىڭ كولەمىندەي سارى ماي سالاتىن قالىپتار، قۇمنان، شاڭنان جانە كوز قارىقتىراتىن قاردان قورعايتىن قوداس جۇنىنەن جاسالعان كوزىلدىرىك جانە ت. ب. بار.
مالشىلار قولداناتىن ىدىس- اياقتاردىڭ بارلىق ءتۇرىن دە وسى جەردەن كەزدەستىرۋگە بولادى.
باقىتجول كاكەش
