تويحانالار مەن كاراوكە-بارلاردىڭ اۆتورلىق قۇقىق تولەمدەرى قاشان سيفرلاندىرىلادى

- تويحانالار مەن كاراوكە بارلاردىڭ اۆتورلىق قۇقىق يەلەرىنە تولەيتىن جارناسىن سيفرلاندىرۋ قاشان جانە قالاي ۇيىمداستىرىلادى؟ - دەپ سۇرادى جۋرناليست.

ۆيتسە-مينيستر بۇل ماسەلەنى ءوز ۆەدومستۆوسى ادىلەت مينيسترلىگىمەن بىرگە قاداعالايتىنىن ەسكە سالدى.

- قازىر ءىس-شارالار كەشەنىن پىسىقتاپ جاتىرمىز. ونىڭ ىشىندە ءوزىڭىز ايتىپ وتىرعان اۆتورلىق قۇقىق، اۆتورلىق قۇقىق يەلەرىنە تولەنەتىن وتەماقى قانشالىقتى ادىلەتتى دەگەن ماسەلە دە بار. بۇل باعىتتا بەلگىلى ءبىر العا جىلجۋ دا بار. سەنات دەپۋتاتتارىنىڭ توبى وزدەرىنىڭ تۇزەتۋلەرىن ازىرلەگەن. مەنىڭ بىلۋىمشە، ادىلەت مينيسترلىگى وسى وزگەرتۋلەردىڭ ءبارىن قاداعالاپ وتىر. ءبىز دە كرەاتيۆتى يندۋستريا وكىلدەرىمەن تىكەلەي جۇمىس ىستەيتىن ۋاكىلەتتى ورگان رەتىندە باقىلاپ وتىرمىز. ونىڭ ىشىندە «مەيرامحانالار مەن كاراوكەلەردىڭ اۆتورلىق قۇقىق يەلەرىنە تولەيتىن اقىسى ادىلەتتى مە؟» دەگەن سياقتى سۇراقتار دا بار، - دەدى ەۆگەني كوچەتوۆ.

سونداي-اق ول اۆتورلارلىق قۇقىق يەلەرىنىڭ ءوز تۋىندىلارىنىڭ ويناتىلۋىنان الاتىن تولەماقىلارىنا بايلانىستى سۇراق كوپ تۇسەتىنىن ايتتى.

- مەن ءسال كۇتە تۇرۋدى ۇسىنار ەدىم. ويتكەنى سيفرلاندىرۋ شارالارى ەندى عانا تالقىلانىپ جاتىر. ءتۇرلى ۇسىنىستار ايتىلىپ جاتىر. ارينە، تولەمدەردىڭ اقىسى قانشالىقتى ادىلەتتى دەگەن سۇراق ءبىرىنشى كەزەكتە تۇر، - دەدى ءمينيستردىڭ ورىنباسارى.

بۇعان دەيىن ۇكىمەت اۆتورلىق قۇقىق ماسەلەسىنە مەملەكەتتىك مونوپوليا ەنگىزۋ ۇسىنىسىن قولداماي تاستاعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى