توي مادەنيەتىن ءبىر ىزگە تۇسىرەتىن ەرەجە ازىرلەۋ قاجەت
بۋراباي. KAZINFORM - توي مادەنيەتىن ءبىر ىزگە تۇسىرەتىن ەرەجە ازىرلەۋ قاجەت. بۇل تۋرالى ۇلتتىق قۇرىلتايدىڭ IV وتىرىسىندا قۇرىلتاي مۇشەسى بەكزات التىنبەكوۆ ايتتى.
- بۇگىنگى جاھاندانۋ داۋىرىندە ۇلتتىق سالت- ءداستۇرىمىز بەن مادەنيەتىمىزدى، ءتىل تازالىعى مەن ۇرپاق ساباقتاستىعى سەكىلدى قۇندىلىقتاردى ساقتاپ قالۋ وزەكتى ماسەلە بولىپ وتىرعانى ءمالىم. قازاقتىڭ بۇگىنگى تاڭداعى تورقالى توي، توپىراقتى ولىمدە جاسالاتىن جورالعىلارى، ءوز بەتتەرىمەن قابىلداپ العان ەرەجە-ءتارتىبى قۇندىلىققا قۇنداقتالعان ۇلتتىق سالت-داستۇرىمىزگە سىزات تۇسىرۋدە. ال سالت-ءداستۇر دەگەنىمىز - ۇلىستاردى بىرىكتىرۋشى ۇلى كۇش. قازىرگى جيىن-تويلارداعى بەيادەپ ءسوز، انايى انەكدوت، ەبەدەيسىز ويىن، اسابالار مادەنيەتسىزدىگى بەلگىلى ءبىر دەڭگەيدە ورتاق قوعامدىق باقىلاۋعا الىنۋى قاجەت الەۋمەتتىك پروبلەماعا اينالىپ بارادى، - دەدى ول.
ونىڭ اتاپ وتۋىنشە، مۇنداي ورەسكەل ارەكەتتەردى تىيۋ ءۇشىن ادەپ ەرەجەسىن قابىلداۋ قاجەت.
- ويتكەنى جيىن-توي - تاربيەنىڭ ەڭ باستى قۇرالدارىنىڭ ءبىرى. بۇل الدە بىرەۋدىڭ قىزىعىنا ارالاسىپ، قازان-وشاعى مەن داستارحانىن بيلەۋ ەمەس، ۇلتتىق قۇندىلىقتاردى ساقتاۋدىڭ بىردەن ءبىر جولى دەپ ايتقىم كەلەدى. توي مادەنيەتىن ءبىر ىزگە تۇسىرەتىن ەرەجە جوباسىن ازىرلەپ، بۇل ماسەلەگە قوعامدىق باقىلاۋدى كۇشەيتۋ كەرەك دەگەن ويدامىن، - دەدى بەكزات التىنبەكوۆ.
ايتا كەتەيىك، بۋرابايدا ۇلتتىق قۇرىلتايدىڭ IV وتىرىسى ءوتىپ جاتىر.
