تورەعالي تورەالى كوشە سىپىرىپ، جازاسىن وتەپ ءجۇر
ءانشى تورەعالي تورەالى كوشە سىپىرىپ، جازاسىن وتەپ ءجۇر.
«بىزدەرگە، مىنەكەي، سوت ۇكىمى بويىنشا 40 ساعات قوعامدىق جۇمىس تاپسىرعان بولاتىن. اللاعا شۇكىر، مىنەكەي، وسى تۇسكە دەيىن باعانا پاركتە بولدىق. تۇستەن كەيىن وسى مەكەنجايدامىز. بۇل - مەنىڭ تاۋەلسىزدىگى بار قازاقستانىم. بۇل - مەنىڭ وتانىم، بۇل - مەنىڭ ەلىم، بۇل - مەنىڭ جەرىم. البەتتە، ءانۇرانى بار، كوك تۋى بار ەلدىڭ مىندەتتى تۇردە زاڭى بولادى. ول زاڭعا ءبارىمىز بىردەي باعىنۋىمىز كەرەك دەپ ويلايمىن. امان بولىڭىزدار، مىنە، ۇلى دالا بالاسى ۇلى دالاسىن سىپىرىپ جاتىر. بۇل ۇيات ەمەس، ءوزىمىزدىڭ اۋلامىزدى سىپىرامىز، قوقىس توگىپ كەلۋ دەگەن سياقتى، بۇل جۇمىستار اينالىپ كەلگەندە پايعامبار سۇننەتىنە كەلەدى عوي نەگىزى. ءوز جاتقان-تۇرعان جەرىڭدى تازا ۇستاۋ، ەرتەڭگى اس قۇياتىن ىدىسىڭدى بۇگىن جۋىپ قويۋ دەگەن نارسەنىڭ ءبارى - تازالىق يماننان ەمەس پە؟ امان بولىڭىزدار! انانىڭ ءبارىن جيناپ تاستادىق»، - دەدى ءانشى.
ەسكە سالايىق، 22- قىركۇيەكتە تورەعالي تورەالى 40 ساعات قوعامدىق جۇمىسقا تارتىلعان بولاتىن. تانىمال ارتىسكە قىلمىستىق كودەكستىڭ 378-بابى بويىنشا «بيلىك وكىلىن ءوز قىزمەتتىك مىندەتتەرىن اتقارۋ كەزىندە نەمەسە ولاردى اتقارۋىنا بايلانىستى قورلادى» دەگەن ايىپ تاعىلدى. ال تورەعاليدى ۇستاماق بولعان 6 پوليتسيا قىزمەتكەرى جابىرلەنۋشى دەپ تانىلدى.
Посмотреть эту публикацию в Instagram
