توقايەۆتىڭ قىتاي تىلىندە ەركىن سويلەۋى جەرگىلىكتى جەلى قولدانۋشىلارىن ءتانتى ەتتى
بۇگىن بەيجىڭدەگى «ءبىر بەلدەۋ، ءبىر جول» حالىقارالىق ىنتىماقتاستىعىنىڭ III فورۋمىنىڭ اشىلۋ راسىمىنە قاتىسقان قازاقستان پرەزيدەنتى بايانداماسىن قىتاي تىلىندە باستادى، دەپ حابارلايدى Kazinform.
قاسىم- جومارت توقايەۆتىڭ ءسوز سويلەگەن ۆيدەوسى بىردەن قىتايداعى ءتۇرلى الەۋمەتتىك جەلىلەردە تارالىپ، قىزۋ قوشەمەتپەن قابىلداندى.
قىتايدىڭ «Weibo» پلاتفورماسىندا (Facebook- ءتىڭ قىتايلىق نۇسقاسى - رەد.) 35 ميلليونعا جۋىق وقىرمانى بار ارداگەر ب ا ق قىزمەتكەرى حۋ شيجين ۆيدەونى جاريالاپ: «بۇل پرەزيدەنتتىڭ قىتايشاسى شىنىمەن كەرەمەت ەكەن»، - دەپ پىكىر ءبىلدىردى.
جاريالانىم ءاپ- ساتتە 350 مىڭعا جۋىق رەت قارالىپ، 360-تان استام ادام پىكىر قالدىرعان.
قىتايلىق جەلى قولدانۋشىلارىنىڭ ءبىرى ءوز پىكىرىندە: «قازاقستان پرەزيدەنتى - قىتايدا وقىعان جانە قىتايدى جاقسى بىلەتىن شىعىستانۋشى. قازاقستان - قىتاي مەن رەسەي اراسىنداعى ەڭ ۇلكەن مەملەكەت. قىتاي مەن قازاقستان دوستىعى ماڭگى بولادى دەپ سەنەمىن!» - دەيدى.
جەلى قولدانۋشىلارى قاسىم- جومارت توقايەۆتىڭ قىتاي ءتىلىن جەتىك مەڭگەرگەنىن جوعارى باعالادى. ءتىپتى كەيبىرەۋلەرى پرەزيدەنتتىڭ قىتايشاسى «كوپتەگەن قىتايلىقتان اسىپ تۇسەدى» دەپ ماقتادى.
ايتا كەتەيىك، قازاقستان پرەزيدەنتىنىڭ قىتاي ءتىلىن جەتىك مەڭگەرۋى جەرگىلىكتى ب ا ق- تىڭ نازارىن ءبىرىنشى رەت اۋدارىپ وتىرعان جوق. پرەزيدەنت وسى جىلدىڭ مامىر ايىندا قىتايدىڭ CCTV ارناسىنا سۇحبات بەرگەن بولاتىن. سول تۇستا دا قىتاي حالقىن تاڭقالدىردى.
كۇنى كەشە عانا قىتاي ب ا ق- تارى پرەزيدەنت قاسىم- جومارت توقايەۆتىڭ قىتايعا ساپارى تۋرالى «قىتايشا سويلەي الاتىن پرەزيدەنت» ھ، «قىتايدى جاقسى بىلەتىن شەتەل پرەزيدەنتى» دەپ جازدى. Shanghai Observer سايتى قازاقستان پرەزيدەنتىنىڭ قىتاي ءتىلىن جەتىك مەڭگەرگەنى تۋرالى ماقالا جاريالادى.
اۆتور
مۇحتار مۇرات
