توقايەۆ گۆينەيا-بيساۋ جاستارىنا قازاقستاندا ءبىلىم الۋدى ۇسىندى

بۇل تۋرالى ەلىمىزگە رەسمي ساپارمەن كەلگەن گۆينەيا- بيساۋ پرەزيدەنتى ۋمارۋ سيسوكۋ ەمبالومەن كەلىسسوزدەردەن كەيىنگى بىرلەسكەن مالىمدەمە بارىسىندا مەملەكەت باسشىسى قاسىم- جومارت توقايەۆ ايتتى.

- ازاماتتارىمىز ءبىر-ءبىرىن جاقىن تانىپ ءبىلۋ ءۇشىن مادەني- گۋمانيتارلىق بايلانىستىڭ ماڭىزى زور. وسى رەتتە مەن گۆينەيا-بيساۋ جاستارىنا قازاقستاننىڭ جوعارى وقۋ ورىندارىندا ءبىلىم الۋدى ۇسىندىم. بۇل قادامدار ەكى ەل اراسىندا جان-جاقتى ىنتىماقتاستىقتى جانداندىرۋعا ىقپال ەتەرى ءسوزسىز، - دەدى قاسىم-جومارت توقايەۆ.

مەملەكەت باسشىسى مارتەبەلى مەيمانمەن حالىقارالىق ماسەلەلەر جونىندە پىكىر الماسىپ، وي بولىسكەنىن اتاپ ءوتتى.

- قوس مەملەكەتتىڭ كوپتەگەن وزەكتى تاقىرىپ بويىنشا ۇستانىمدارى ۇقساس. اسىرەسە، جاھاندىق بەيبىتشىلىك پەن وڭىرلىك تۇراقتىلىقتى ساقتاۋعا قاتىستى كوزقاراسىمىز ورتاق. قازىرگى گەوساياسي جاعدايدا بۇۇ مەن افريكا وداعى اياسىندا ءوزارا قولداۋ كورسەتۋ جانە كونسۋلتاتسيالار وتكىزۋ اسا ماڭىزدى. جالپى، جان-جاقتى قارىم-قاتىناستى نىعايتۋعا مول مۇمكىندىك بار. بۇگىنگى ماڭىزدى كەلىسىمدەر سونىڭ ايقىن كورىنىسى. ۋمارۋ ەمبالو مىرزانىڭ ساپارى قازاقستان مەن گۆينەيا-بيساۋ اراسىنداعى ىنتىماقتاستىققا تىڭ سەرپىن بەرەدى دەپ سانايمىز. ءاردايىم ءوزارا قولداۋ كورسەتىپ، تابىسقا بىرگە جەتەمىز دەپ سەنەمىن. ەكى ەلدىڭ دوستىعى نىعايا بەرسىن، - دەدى پرەزيدەنت.

بۇعان دەيىن مەملەكەت باسشىسى قاسىم- جومارت توقايەۆ اقوردادا ەلىمىزگە رەسمي ساپارمەن كەلگەن گۆينەيا-بيساۋ پرەزيدەنتى ۋمارۋ سيسوكۋ ەمبالونى سالتاناتپەن قارسى العانىن جازعان ەدىك.

كەڭەيتىلگەن قۇرامداعى كەلىسسوز بارىسىندا قاسىم-جومارت توقايەۆ قازاقستان گۆينەيا-

بيساۋدى افريكا قۇرلىعىنداعى ماڭىزدى سەرىكتەس رەتىندە قاراستىراتىندىعىن ايتتى.

كەلىسسوزدەر بارىسىندا ەكى ەلدى باسشىلارى بيساۋ پورتى مەن ترانسكاسپي ءدالىزىن ۇشتاستىرۋ جولدارىن زەردەلەۋگە كەلىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى