توقايەۆ: فرانسيا - قازاقستاننىڭ ەۋروپاداعى وتە ماڭىزدى سەرىكتەسى

«بۇگىنگى كەزدەۋ ەكى ەل اراسىنداعى ءتۇرلى سالالارداعى ىنتىماقتاستىقتى جاڭا بەلەسكە كوتەرەدى. مەن بۇعان كامىل سەنەمىن. فرانسيا - قازاقستاننىڭ ەۋروپاداعى وتە ماڭىزدى ءارى سەنىمدى سەرىكتەسى. بىلتىر ءوزارا تاۋار اينالىمى 30 پايىزعا ءوسىپ، 4 ميلليارد دوللارعا جەتتى. بيىل سەگىز اي ىشىندە ەكىجاقتى ساۋدا-ساتتىق كولەمى بىلتىرعىمەن سالىستىرعاندا 21 پايىزعا ارتتى. ياعني، 2,7 ميلليارد دوللارعا جەتتى»، - دەدى قازاقستان باسشىسى.

قاسىم-جومارت توقايەۆ فرانسيا وسىعان دەيىن قازاقستانعا 18,7 ميلليارد دوللارعا جۋىق ينۆەستيتسيا سالعانىن اتاپ ءوتتى.

«بىرلەسكەن جوبالار ەنەرگەتيكا، بەيبىت اتوم، تاۋ- كەن- حيميا ونەركاسىبى، ماشينا جاساۋ، قۇرىلىس زاتتارىن ءوندىرۋ، اەروعارىش، فارماتسەۆتيكا جانە باسقا دا سالالاردى قامتيدى. بۇدان بولەك تاعى ءبىرقاتار ماڭىزدى جوبالار قولعا الىنباق. بۇل جوبالار بۇگىن وتەتىن قازاق- فرانسۋز بيزنەس فورۋمىندا جان-جاقتى تالقىلانادى»، - دەدى قازاقستان پرەزيدەنتى.

سونداي-اق، مەملەكەت باسشىسى ەكى ەلدىڭ مادەني-گۋمانيتارلىق بايلانىستارى جاندانا تۇسكەنىن ەسكە سالدى.

«ماكرون مىرزا، وسىنىڭ ءبارى ءسىزدىڭ جەكە قولداۋىڭىزدىڭ ارقاسىندا جۇزەگە اسىپ جاتىر. مەن ءسىزدىڭ ءوزارا قارىم- قاتىناستى دامىتۋعا قوسىپ وتىرعان ولشەۋسىز ۇلەسىڭىزدى جوعارى باعالايمىن. سونداي-اق، ەكى ەلدىڭ ىنتىماقتاستىعىن جاڭا بەلەسكە كوتەرۋ ءۇشىن بار كۇش- جىگەرىمدى سالىپ، وزىڭىزبەن بىرگە جۇمىس ىستەۋگە دايىن ەكەنىمدى تاعى دا اتاپ وتكىم كەلەدى»، - دەدى ق. توقايەۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى