توقايەۆ عىلىم تۋرالى: كوزبوياۋشىلىققا ابدەن تويدىق، سۇراۋى قاتتى بولادى

- قازىرگى زاماندا ەكونوميكا يننوۆاتسياعا نەگىزدەلۋى كەرەك ەكەنى ءسوزسىز. ءبىز عىلىمدى دامىتۋ، سونىڭ ىشىندە قولدانبالى زەرتتەۋلەر جۇرگىزۋ ءۇشىن كوپ جۇمىس ىستەپ جاتىرمىز. عىلىمي جاڭالىقتاردى كوممەرتسيالاندىرۋعا، عىلىم مەن ءوندىرىستىڭ بايلانىسىن كۇشەيتۋگە باسا ءمان بەرىلىپ وتىر. دەگەنمەن قازاقستاندا ءالى كۇنگە دەيىن بىردە ءبىر عىلىم قالاشىعى جوق. الماتى ىرگەسىندەگى «الاتاۋ» يننوۆاتسيالىق تەحنولوگيالار پاركىنىڭ اۋماعىندا عىلىم قالاشىعىن قۇرۋ تۋرالى يدەيا بار ەكەنىن بىلەمىن. ۇكىمەت وسى باستامانى جان-جاقتى زەردەلەپ، ءتيىستى زاڭ دايىنداۋى كەرەك، - دەدى قاسىم- جومارت توقايەۆ.

سونىمەن قاتار پرەزيدەن ەكىنشى عىلىم قالاشىعى تۋرالى ايتتى.

- عالىمداردىڭ پىكىرىنشە، ءتيىستى ءداستۇرى مەن تاجىريبەسى بار كۋرچاتوۆ قالاسى ەكىنشى عىلىم قالاشىعى بولا الادى. ءبىراق مىنانى ەسكەرتكىم كەلەدى: وسى جوسپاردىڭ ءبارى شىنايى ەسەپ-قيساپقا جانە تاباندى جۇمىسقا نەگىزدەلۋگە ءتيىس. كوزبوياۋشىلىق پەن كوپىرمە سوزگە ابدەن تويدىق. سۇراۋى قاتتى بولادى، - دەدى مەملەكەت باسشىسى.

بۇدان بۇرىن حابارلانعانداي، پرەزيدەنت قوعامدا قىزۋ تالقىلانىپ جاتقان سالىق رەفورماسىنا قاتىستى پىكىرىن ايتتى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى