توكيودا بالا تۋۋ كورسەتكىشىن ارتتىرۋ ءۇشىن ءتورت كۇندىك جۇمىس اپتاسى ەنگىزىلەدى
توكيو. KAZINFORM - جاپونيا استاناسى توكيودا وتباسىلىق ۋاقىتتى جانە بالا تۋۋ كورسەتكىشىن ارتتىرۋ ءۇشىن 2025 -جىلدىڭ ساۋىرىنەن باستاپ ءتورت كۇندىك جۇمىس اپتاسى ەنگىزىلەدى. بۇل تۋرالى CNN حابارلادى.
جاڭا ءتارتىپ بويىنشا قىزمەتكەرلەر اپتاسىنا ءۇش كۇن دەمالۋعا مۇمكىندىك الادى. سونىمەن قاتار باستاۋىش مەكتەپتىڭ العاشقى ءۇش سىنىبىندا وقيتىن بالالارى بار اتا- انالارعا جالاقىسىنىڭ بەلگىلى ءبىر مولشەرىنەن باس تارتۋ ارقىلى جۇمىس كۇنىن مەرزىمىنەن بۇرىن اياقتاۋعا مۇمكىندىك بەرىلەدى.
سونداي- اق جاپون ۇكىمەتى حالىق سانىن كوبەيتۋ ءۇشىن ەر ادامدارعا دا اكەلىك دەمالىس بەرۋ سياقتى ءبىرقاتار شارانى قولعا الماق.
ساراپشىلار ەلدە تۋۋ كورسەتكىشىنىڭ تومەندەۋىن - جاپونيادا ەڭبەك مادەنيەتىنە تالاپ جوعارى ەكەنىمەن جانە ءومىر ءسۇرۋ قۇنىنىڭ وسۋىمەن بايلانىستىرادى. جۇمىس ۋاقىتىنىڭ ۇزاقتىعى - جاپونيا كورپورتايۆىنىڭ كوپتەن بەرگى پروبلەماسى. بۇل دەنساۋلىققا دا زيانىن تيگىزەدى. وتە كوپ جۇمىس ىستەۋ ولىمگە، ياعني جاپونيادا تانىمال «كاروشي» دەپ اتالاتىن جاعدايعا اكەپ سوقتىرۋى مۇمكىن.
توكيو وتباسىلىق ساياساتتى جۇزەگە اسىراتىن ازياداعى جالعىز قالا ەمەس. سينگاپۋر دە وسى جىلى بارلىق كومپانيانى قىزمەتكەرلەر ءۇشىن يكەمدى جۇمىس ءتارتىبىن قاراستىرۋعا ماجبۇرلەيتىن جاڭا نۇسقاۋلار ەنگىزدى. ول ءتورت كۇندىك جۇمىس اپتاسىن نەمەسە يكەمدى جۇمىس ۋاقىتىن قامتۋى مۇمكىن.
