تەستىلەۋ ورتالىعى ۇ ب ت- عا دايىنداۋ بويىنشا تەگىن ونلاين- ساباقتار باستادى
20-قاراشادا ق ر عىلىم جانە جوعارى ءبىلىم مينيسترلىگىنىڭ ۇلتتىق تەستىلەۋ ورتالىعى ەلىمىزدىڭ ءبىلىم بەرۋ ورتالىقتارىمەن بىرلەسىپ ۇلتتىق ءبىرىڭعاي تەستىلەۋگە (ۇ ب ت) دايىندالۋعا ارنالعان تەگىن ونلاين- ساباقتاردى باستايدى، دەپ حابارلايدى Kazinform ورتالىقتىڭ مينيسترلىكتىڭ باسپا ءسوز قىزمەتىنە سىلتەمە جاساپ.
ونلاين ساباقتار ءىرى رەسپۋبليكالىق ءبىلىم بەرۋ ورتالىقتارىمەن بىرلەسىپ ازىرلەندى. ساباقتار ءبىلىم بەرۋ ورتالىقتارىنىڭ YouTube ارنالارىندا جانە Instagram پاراقشالارىندا تىكەلەي ەفيردە وتكىزىلەدى. ونلاين ساباقتاردىڭ بارلىق ەفيرى تالاپكەرلەر كەز-كەلگەن ۋاقىتتا كورە الۋى ءۇشىن ساقتالادى.
«عىلىم جانە جوعارى ءبىلىم مينيسترلىگى تەستىلەۋ كەزىندە عانا ەمەس، ونىڭ باستالۋىنا دەيىن دە قولايلى جاعداي جاساۋ ءۇشىن جۇمىس جۇرگىزىپ جاتىر. تۇلەكتەردىڭ ۇ ب ت- عا دايىندىعىن ۇلتتىق تەستىلەۋ ورتالىعى ءبىلىم بەرۋ ورتالىقتارىمەن بىرلەسىپ، ءتورتىنشى جىل وتكىزىپ وتىر. وتكەن جىلى 600-گە جۋىق ساعات ونلاين ساباقتار وتكىزىلدى. وعان ەلىمىزدىڭ بارلىق وڭىرلەرىنىڭ مەكتەپ تۇلەكتەرى قاتىسىپ، ۇ ب ت پاندەرى بويىنشا دايىندىقتان ءوتتى. بيىل 20-دان استام ورتالىق ساباق بەرەتىن بولادى. جوبا بيۋدجەت قاراجاتىن جۇمساماي ىسكە اسىرىلعانىن اتاپ وتكىم كەلەدى»، - دەدى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
اۆتور
ايدار وسپاناليەۆ
