تۋريستكە ارنالعان قاۋىپسىزدىك جۇيەسى ەنگىزىلەدى

«ەكوتۋريزمگە سۇرانىستىڭ ارتۋىن ەسكەرە وتىرىپ، ۇلتتىق ساياباقتارعا بارۋ كورسەتكىشتەرىنىڭ ءوسۋى بايقالادى. وتكەن جىلدىڭ قورىتىندىسى بويىنشا ۇلتتىق ساياباقتارعا 2,4 ميلليوننان استام ادام كەلدى. بۇگىندە قازاقستان بويىنشا 16 ۆيزيت-ورتالىق جۇمىس ىستەيدى، ونىڭ ىشىندە 7-ەۋى ۇلتتىق پاركتەر اۋماعىندا ورنالاسقان. وتكەن جىلى التىن-ەمەل، شارىن جانە ىلە-الاتاۋى ۇلتتىق پاركتەرى جالپى قۇنى 3 ميلليارد تەڭگەگە جۋىق 3 جاڭا ۆيزيت-ورتالىقپەن تولىقتىرىلدى»، - دەدى ول.

مينيستر الداعى جازعى ماۋسىم قارساڭىندا ازاماتتار مەن تۋريستەر ءۇشىن قاۋىپسىزدىكتى ساقتاۋ وتە ماڭىزدى ەكەندىگىن ايتتى.

«سوندىقتان جەرگىلىكتى اتقارۋشى ورگاندار سۋداعى جازاتايىم وقيعالاردىڭ الدىن الۋ، سۋ ايدىندارى مەن تاۋلى جەرلەردە قاۋىپسىزدىكتى ارتتىرۋ جونىندە شارالار قابىلداۋى قاجەت. مينيسترلىك ينتەرنەتپەن قامتىلماعان ايماقتاردا جۇمىس ىستەيتىن «تۋريستكە ارنالعان SOS- باتىرما» قاۋىپسىزدىك جۇيەسىن ەنگىزۋ ماسەلەسىن پىسىقتاۋدا. بۇل وتاندىق ازىرلەمە سانالادى»، - دەدى ەرمەك مارجىقپايەۆ.

اۆتور

مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى