تۇرىكمەنستاندا كوكتەم مەرەكەسى ناۋرىز تويلانىپ جاتىر
استانا. KAZINFORM - تۇرىكمەنستاندا كوپتەن كۇتكەن كوكتەم مەرەكەسى - ناۋرىزعا ارنالعان سالتاناتتى شارالار مەن حالىقتىق سەرۋەندەر باستالدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ناۋرىز داستۇرلەرىن بەينەلەيتىن تەاترلاندىرىلعان قويىلىم احال ءۋالاياتىندا، اشىق اسپان استىندا ورنالاسقان «Nowruz yaylasy» (ناۋرىز الاڭى) اۋماعىندا ءوتىپ جاتىر. مۇندا تۇرىكمەن حالقىنىڭ ءداستۇرلى تۇرمىسى مەن ەگىنشىلىك پەن مال شارۋاشىلىعىنا قاتىستى ەڭبەك ۇدەرىستەرى كەڭ اۋقىمدى كورمەلەر ارقىلى قايتا جاڭعىرتىلعان.
سالتاناتتى ءبولىم مەرەكەلىك كونسەرتپەن اشىلىپ، ۇلتتىق «گالكانىش» اتتى ويىندار توبىنىڭ كورسەتىلىمدىك ونەرىمەن جالعاستى.
سونىمەن قاتار، قوناقتارعا حالىقتىق داستۇرلەر، ۇلتتىق ويىندار، كىلەم توقۋ ونەرى مەن تۇرىكمەن قولونەرشىلەرىنىڭ تۋىندىلارى كورسەتىلدى. مەرەكەلىك داستارحانعا كەلگەن بارلىق قوناققا ناۋرىزدىڭ باستى تاعامدارى - بيداي بوتقاسى (ناۋرىز كودجە)، يارما، چوربا، سونداي-اق پىشمە مەن باسقا دا كوكتەمگى تاعامدار ۇسىنىلدى.
ايتا كەتەلىك تۇركىستانعا «جىبەك جولى» حالىقارالىق پويىز باعىتىمەن 300 تۋريست كەلدى.
