تۇرىكمەنستاندا اقالتەكە جىلقىلارىنىڭ جارىسى باستالدى
استانا. KAZINFORM - تۇرىكمەنستاندا اقالتەكە جىلقىلارىنىڭ حالىقارالىق سۇلۋلىق بايقاۋى وتكىزىلەدى.
تۇرىكمەنستان پرەزيدەنتى سەردار بەردىمۇحامەدوۆ تۇرىكمەن حالقىنىڭ ۇلتتىق قازىناسى مەن ماقتانىشى - «جۇماق» جىلقىلارىنىڭ الەمدىك داڭقىن ودان ءارى ارتتىرۋ ماقساتىندا، سونداي-اق جىل سايىن ءساۋىر ايىنىڭ سوڭعى جەكسەنبىسىندە اتالىپ وتەتىن تۇرىكمەن جىلقىسىنىڭ ۇلتتىق مەرەكەسىنە وراي 26-ساۋىردە اركاداگ قالاسىندا اقالتەكە جىلقىلارىنىڭ حالىقارالىق جارىسىن وتكىزۋ تۋرالى شەشىم قابىلدادى.
سونداي-اق قاۋلىعا سايكەس بەينەلەۋ جانە ساندىك-قولدانبالى ونەر تۋىندىلارىندا اقالتەكە جىلقىلارىنىڭ سۇلۋلىعىن كوركەم بەينەلەۋگە ارنالعان سۋرەتشىلەر، مۇسىنشىلەر، كىلەمشىلەر، زەرگەرلەر، فوتوگرافتار، باسپا قىزمەتكەرلەرى، ديزاينەرلەر، تەلەوپەراتورلار اراسىندا بايقاۋ وتكىزۋ جوسپارلانىپ وتىر.
وتكەن جىلى وتاندىق جىلقى تۇقىمىن ساقتاۋ جانە كوبەيتۋگە 701 ميلليون تەڭگە بولىنەتىنى تۋرالى جازعان بولاتىنبىز.
