پەتروپاۆلداعى ءورت: ەكى بالا مەن ايەلدىڭ ولىمىنە وتاعاسى كىنالى بولۋى مۇمكىن

ەستەرىڭىزگە سالايىق، وقيعا قىركۇيەك ايىنىڭ سوڭىندا بولعان ەدى. پەتروپاۆلداعى ۆولوچايەۆسكايا كوشەسىندە جەكە تۇرعىن ءۇي ورتەنىپ، ءورت ءسوندىرۋ بارىسىندا ءورت ورنىنان 3 ادامنىڭ - 20 جاستاعى كەلىنشەكتىڭ، 5 جانە 1 جاستاعى ەكى بالانىڭ دەنەسى تابىلعان ەدى.

ءۇي يەسى - 25 جاستاعى جىگىت تەرەزەنى بۇزىپ شىققانىمەن، وتباسى مۇشەلەرىن قۇتقارا الماعان.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بۇل دەرەك «ءورت قاۋىپسىزدىگى تالاپتارىن بۇزۋ» بابى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ەنگىزىلدى.

ەندى قىلمىستىق ءىس «ەكى جانە ودان دا كوپ ادامدى ءولتىرۋ» بابى بويىنشا قارالىپ جاتىر.

«س ق و پوليتسيا دەپارتامەنتى تەرگەۋ باسقارماسى وسى فاكتى بويىنشا قىلمىس قۇرام بولعاندىقتان قوسىمشا قىلمىستىق ءىس تىركەدى. بارلىق ءتيىستى سوتتىق ساراپتامالار تاعايىندالدى. قىلمىستىق ءىس بويىنشا جەدەل تەرگەۋ توبى قۇرىلدى، بارلىق قاجەتتى تەرگەۋ ارەكەتتەرى جۇرگىزىلەدى.

قىلمىستىق ءىس وبلىس پروكۋراتۋراسى جانە پوليتسيا دەپارتامەنتى باسشىلىعىنىڭ باقىلاۋىندا»، - دەلىنگەن باسپا ءسوز حابارلاماسىندا.

كۇدىكتى ەر ادام قازىرگى ۋاقىتتا ۋاقىتشا ۇستاۋ يزولياتورىندا وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى