پەتروپاۆلدا پوليتسەيلەردەن جاسىرىنباق بولعان جىگىت قايتىس بولدى

بۇل وقيعا تۋرالى الەۋمەتتىك جەلىدە جاريالاندى.  پەتروپاۆلداعى سولنەچنىي كەنتىندە 2-ءساۋىر كۇنى تۇندە جاس جىگىت گيپوتەرميادان قايتىس بولعان. الدىن الا مالىمەت بويىنشا، ول پوليتسەيلەردەن جاسىرىنىپ مۇزدى سۋدا ءبىراز ۋاقىت وتكىزگەن.

س ق و پوليتسيا دەپارتامەنتىنىڭ باسپا ءسوز قىزمەتى جاس جىگىتتىڭ قايتىس بولعانىن راستادى.

- 2-ساۋىرگە قاراعان ءتۇنى پەتروپاۆل قالاسىنىڭ 21 جاستاعى تۇرعىنى سولنەچنىي كەنتىنە بۇرىلاتىن جولدا تابىلىپ، جەدەل جاردەم كولىگىندە قايتىس بولدى. زورلىق-زومبىلىق بەلگىلەرى انىقتالعان جوق. قازىر وقيعانىڭ بارلىق ءمان-جايى مەن سەبەبىن انىقتاۋ ءۇشىن تەرگەۋ جۇرگىزىلىپ جاتىر، - دەلىنگەن وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

س ق و دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنشە، جىگىت جەدەل جاردەم قىزمەتى كەلگەنگە دەيىن قايتىس بولعان. سوندىقتان رەانيماتسيالىق جۇمىستار جۇرگىزىلگەنىمەن، ول ەش ناتيجە بەرمەدى.

اۆتور

اقەركە داۋرەنبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى