پەتروپاۆلدا نەمەرەلەرى اجەسىنىڭ وسيەتىن سوت ارقىلى جارامسىز دەپ تانىدى

سوتتىڭ مالىمەتىنشە، تالاپ ارىزدى قايتىس بولعان ايەلدىڭ نەمەرەلەرى بەرگەن. وسيەت بويىنشا، مارقۇمنىڭ پاتەرى ونىڭ كۇتۋشىسىنە ميراسقا قالدىرىلعان ەدى.

سوت وتىرىسى بارىسىندا قايتىس بولعاننان كەيىنگى سوت- پسيحولوگيالىق- پسيحياتريالىق ساراپتاما تاعايىندالدى. سونىمەن قاتار، نەۆروپاتولوگ، پسيحياتر جانە كارديولوگ ماماندارىنىڭ قورىتىندىلارى ۇسىنىلدى. ساراپتاما ناتيجەلەرى تالاپ قويۋشىلاردىڭ دالەلدەرىن راستادى: وسيەت جاسالعان ساتتە ايەل ءوز ارەكەتتەرىنىڭ ءمانىن تولىق باعالاي الماعان.

تاراپتار سوت پروتسەسى بارىسىندا ءوزارا ءتيىمدى شەشىمگە كەلىپ، مەدياتسيالىق كەلىسىم جاساستى. كەلىسىمنىڭ شارتتارى تاراپتاردىڭ ەشقايسىنىڭ قۇقىقتارىن بۇزعان جوق. وسيەتتىڭ جارامسىز دەپ تانىلۋىنا بايلانىستى مۇراگەرلىك زاڭ بويىنشا جۇزەگە اسىرىلاتىن بولدى.

سونىمەن قاتار، كۇتۋشىنىڭ مارقۇمعا قارىزىن نەمەرەلەرى كەشىرۋگە شەشىم قابىلدادى. ولار قارىزدى كۇتۋشىنىڭ كورسەتكەن ەڭبەگى مەن قىزمەتىنە وتەم رەتىندە قاراستىراتىنىن مالىمدەدى.

سونداي-اق تاراپتار سوت شىعىندارىن دا ءبىر-بىرىنەن وندىرۋدەن باس تارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى