پەتروپاۆل «جەر ساعاتى» دۇنيەجۇزىلىك ەكولوگيالىق اكسياسىنا قاتىسادى

ەلىمىزدە دۇنيەجۇزىلىك اكسيا 22-ناۋرىز كۇنى ساعات 20:30 دان 21:30 عا دەيىنگى ارالىقتا وتەدى.

بيىل «جەر ساعاتى» ەكولوگيالىق ءىس- شاراسى «تازا قازاقستان» اكسياسى اياسىندا ۇيىمداستىرىلادى.

پەتروپاۆل قالالىق تۇرعىن ءۇي- كوممۋنالدىق شارۋاشىلىعى ءبولىمىنىڭ مالىمەتىنشە، اكسياعا وراي وبلىس ورتالىعىندا بىرنەشە كوشەدە جارىق ءبىر ساعاتقا سوندىرىلەدى. ولار: مۇسىرەپوۆ كوشەسىندە جامبىل كوشەسىنەن باستاپ ج ە و-2-گە دەيىن، يا. گاشەك كوشەسىندە جامبىل كوشەسىنەن باستاپ ج ە و-2-گە دەيىن، اۋەزوۆ كوشەسىندە يندۋستريالنىي وتپەسىنەن «مالودەل» ج ش س زاۋىتىنا دەيىن.

سونداي-اق پەتروپاۆلداعى قازاقستان كونستيتۋتسياسى جاياۋ جۇرگىنشىلەر كوشەسىندە دە ءبىر ساعات ارالىعىندا ەلەكتر جارىعى بولمايدى. ءبىراق مۇندا كەزەكپەن ءار 10 مينۋتقا سوندىرىلمەك.

«جەر ساعاتى» اكسياسىن دۇنيەجۇزىلىك جابايى تابيعات قورى ۇيىمداستىرعان، ەكولوگيا مەن تۇراقتىلىق ماسەلەلەرىنە نازار اۋدارۋعا باعىتتالعان جاھاندىق ءىس-شارا.

اكسيا ازاماتتاردى پلانەتامىزدىڭ بولاشاعىنا قامقورلىق بەلگىسى رەتىندە ءبىر ساعاتقا ەلەكتر جارىعى مەن تۇرمىستىق ەلەكتر قۇرىلعىلارىنان باس تارتۋعا شاقىرادى. وسى كۇنى ميلليونداعان ادام 1 ساعاتقا جارىق پەن ەلەكتر قوندىرعىلارىن سوندىرەدى. ساۋلەت ەسكەرتكىشتەرى جارىقتان اجىراتىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى