تۇركىستاندىق كوپ بالالى انالار ءبىر رەتتىك كومەك الادى

كوپ بالالى انالاردىڭ 117927- ءسى - 18 جاسقا دەيىنگى ءتورت جانە ودان كوپ بالاسى بار انالار بولسا، 2175- ءسى «باتىر انالار». سونداي-اق، وڭىردە 18570 «التىن القا»، 43413 «كۇمىس القا» يەگەرلەرى، 3264 I جانە II دارەجەلى «انا داڭقى» وردەنىمەن ماراپاتتالعان انالار بار.

8-ناۋرىز - حالىقارالىق ايەلدەر كۇنىنە ارنالعان مەرەكەلىك ءىس-شارالار جوسپارىنا سايكەس، ءوڭىر تۇرعىندارىنىڭ الەۋمەتتىك از قامتىلعان بولىگىن، كوپبالالى جانە تولىق ەمەس وتباسىلارعا قارجىلاي جانە زاتتاي قولداۋ كورسەتۋ جوسپارلانعان.

مەرەكە قارساڭىندا «التىن القا»، «كۇمىس القا» يەگەرلەرى، «ارداقتى انا» اتاعىن العان، سونداي-اق I جانە II دارەجەلى «انا داڭقى» وردەنىمەن ماراپاتتالعان كوپبالالى انالارعا ءبىر رەتتىك كومەك قاراستىرىلماق. اۋداندىق جانە قالالىق بيۋدجەت ەسەبىنەن جالپى 63 مىڭنان استام ادامعا 484,8 ميلليون تەڭگەگە جۋىق قارجى قارالىپ، ورتاشا ەسەپپەن 7864 تەڭگەدەن ءبىرجولعى ماتەريالدىق كومەك كورسەتىلەدى.

ايتا كەتەيىك، بۇگىنگى تاڭدا وبلىس بويىنشا 31933 ادام نەمەسە 5265 وتباسى اتاۋلى الەۋمەتتىك كومەك الادى. ونىڭ 62 پايىزى نەمەسە 3252- ءسى كوپبالالى وتباسى.

ەسكە سالايىق، بۇدان بۇرىن شىمكەنتتەگى باتىر انالارعا 5 ا ە ك مولشەرىندە اقشا تولەنەتىنىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى