تۇركىستانداعى جاڭا ساياباققا ءانشى ديماش جولداعان اعاش وتىرعىزىلدى
تۇركىستاندا جاڭا ساياباق اشىلدى، دەپ حابارلايدى Kazinform.
ەلىمىزدە العاش رەت «ق ر قارجىلىق مونيتورينگ اگەنتتىگىنىڭ» ساياباعى اشىلدى. مۇنداعى باستى ەرەكشەلىك - 30 جەردە QR كودتار ورنالاستىرىلعان.
ازاماتتار بۇل كودتاردى سكانەرلەۋ ارقىلى ەلىمىزدە قارجىلىق پيراميدا رەتىندە تانىلعان ۇيىمداردىڭ تولىق ءتىزىمىن كورە الادى.
شارا بارىسىندا ساياباقتىڭ ءسانىن كەلتىرەتىن 100 دەن استام اعاش كوشەتتەرىن وتىرعىزۋ ءراسىمى ءوتتى. ونداعى اعاشتاردى ەلىمىزدىڭ 20 وبلىس- قالالارىنداعى ەكونوميكالىق تەرگەپ- تەكسەرۋ دەپارتامەنتتەرى جولداعان. سونىمەن قاتار، قازاقستاننىڭ حالىق ءارتىسى ديماش قۇدايبەرگەنوۆتىڭ دە ارنايى جولداعان اعاش كوشەتى ەگىلدى.
سالتاناتتى شاراعا تۇركىستان وبلىسى اكىمىنىڭ ورىنباسارى بەيسەن تاجىبايەۆ، تۇركىستان قالاسىنىڭ اكىمى نۇربول تۇراشبەكوۆ، وبلىستىق ەكونوميكالىق تەرگەپ- تەكسەرۋ دەپارتامەنتىنىڭ باسشىسى ەربولات بالعابايەۆ جانە وبلىستاعى بارلىق جاستار ورتالىقتارىنىڭ باسشىلارى ارنايى قاتىستى.
ءىس- شارادا ونەرپاز جاستار اسەم اندەرى ورىنداپ، مىڭ بۇرالا بي بيلەپ، كوپشىلىكتىڭ ىقىلاسىنا بولەندى.
ايتا كەتەيىك، تۇركىستان وبلىستىق ەكونوميكالىق تەرگەپ- تەكسەرۋ دەپارتامەنتىنىڭ باستاماسىمەن جۇزەگە اسقان جوبا ازىرگە تەك تۇركىستان قالاسىندا عانا بار.
