تۇركىستاندا اۆتوبۋس جەر ءۇيدىڭ قابىرعاسىن بۇزىپ، ىشىنە كىرىپ كەتتى
تۇركىستاندا بولعان جول اپاتى كەزىندە اۆتوبۋس جەر ءۇيدىڭ قابىرعاسىن بۇزىپ، ىشىنە كىرىپ كەتتى، دەپ حابارلايدى Kazinform.
وقيعا بۇگىن تۇركىستان قالاسىنداعى كوشە قيىلىستارىنىڭ بىرىندە بولدى. «حۋنداي اكتسەنت» اۆتوكولىگى 17№ مارشرۋتتاعى جولاۋشىلار اۆتوبۋسىمەن سوقتىعىسىپ، ناتيجەسىندە اۆتوبۋس جەكە ءۇيدىڭ قابىرعاسىن بۇزىپ، ىشىنە كىرىپ كەتتى.
«اپات سالدارىنان اۆتوبۋستىڭ بىرنەشە جولاۋشىسى جاراقات الىپ، ولارعا مەديتسينالىق كومەك كورسەتىلدى. سونداي-اق ۇيدە ەگدە جاستاعى ەر ادام بولعان. ونىڭ دەنساۋلىعىنا ءتونىپ تۇرعان قاۋىپ جوق»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
قازىرگى ۋاقىتتا وسى فاكتى بويىنشا ق ر ق ك 345-بابىمەن «كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ ەرەجەلەرىن بۇزۋ» ارەكەتى بويىنشا سوتقا دەيىنگى تەرگەۋ باستالدى.
بولعان وقيعانىڭ بارلىق ءمان-جايى انىقتالۋدا.
