تۇركىستان وبلىسىندا كۇدىكتى كولىكتەن قىزىل كىتاپقا ەنگەن قۇستار تاركىلەندى
تۇركىستان وبلىسىندا كۇدىكتى كولىكتەن قىزىل كىتاپقا ەنگەن قۇستار تاركىلەندى، دەپ حابارلايدى Kazinform.
تۇركىستان وبلىسىنىڭ پوليتسەيلەرى شىمكەنتتىك تۇرعىننان قىزىل كىتاپقا ەنگەن قۇستاردى تاركىلەدى. كۇدىكتىنىڭ كولىگىن ءتىنتۋ كەزىندە سيرەك كەزدەسەتىن جانە قۇرىپ كەتۋ قاۋپى تونگەن 10 قۇس تابىلدى. ولاردىڭ ىشىندە بالوباندار مەن قاراباۋىر بۇلدىرىق قۇستارى بار.
«قازىرگى تاڭدا ق ر ق ك- ءنىڭ 339-بابى 1-بولىگى بويىنشا (وسىمدىكتەردىڭ نەمەسە جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن، سونداي- اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سوتقا دەيىنگى تەرگەۋ جۇرگىزىلىپ جاتىر. جابايى قۇستار شىمكەنتتەگى زووباققا بەرىلدى»- دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى ۇسىنعان اقپاراتتا.
