تۇركىستان وبلىسىندا 6,6 ميلليون تەڭگە قارىزى بار جۇرگىزۋشى انىقتالدى
تۇركىستان وبلىسىندا 6,6 ميلليون تەڭگە قارىزى بار جۇرگىزۋشى انىقتالدى، - دەپ حابارلايدى Polisia.kz.
بۇل تۋرالى تۇركىستان وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى باعلانبەك ايتپايەۆ بريفينگ كەزىندە مالىمدەدى. وڭىردە تولەنبەگەن ايىپپۇلدارى بار Volkswagen Passat كولىگى بار جۇرگىزۋشى انىقتالعان.
ءتارتىپ ساقشىلارى كولىك جۇرگەن جەردى انىقتاپ، شىمكەنت-سامارا تاسجولىندا توقتاتقان. تەكسەرىس كەزىندە بۇل كولىكتىڭ سوت ورىنداۋشىسىنىڭ قاۋلىسىنا سايكەس جالپى سوماسى 6,6 ميلليون تەڭگە تولەنبەگەن ايىپپۇلدار بويىنشا بەرەشەگى بارى انىقتالدى. ياعني جۇرگىزۋشىگە سالىنعان ايىپپۇلدىڭ 80 پايىزى جىلدامدىقتى اسىرعانى ءۇشىن بولعان.
ءتارتىپ ساقشىلارى Volkswagen Passat كولىگىن ايىپتۇراققا قويعان.
«تۇركىستان وبلىسىنىڭ پوليتسەيلەرى كولىك جۇرگىزۋشىلەرىن جول قوزعالىسى ەرەجەلەرىن قاتاڭ ساقتاۋعا جانە سالىنعان اكىمشىلىك ايىپپۇلداردى ۋاقىتىلى تولەۋگە شاقىرادى»، - دەدى تۇركىستان وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى باعلانبەك ايتپايەۆ.
