تۇركىستان وبلىسىندا 6 جاسار قىزدى زورلاعان پەدوفيل 20 جىلعا سوتتالدى
تۇركىستان وبلىسىندا 6 جاسار قىزدى زورلاعان پەدوفيل 20 جىلعا سوتتالدى، دەپ حابارلايدى Kazibform.
تۇركىستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ق ر ق ك 121-بابى 4-بولىگىمەن ايىپتالعان سوتتالۋشىعا قاتىستى قىلمىستىق ءىس قارالدى.
وقيعا بيىلعى مامىر ايىندا ارىس قالاسىندا بولعان. سوتتالۋشى كوپ قاباتتى تۇرعىن ءۇيدىڭ اۋلاسىندا ويناپ جۇرگەن جاس ءوسپىرىمدى ىشكە الىپ كىرگەن. پودەزدەگى ەكىنشى قاباتتان ءۇشىنشى قاباتقا كوتەرىلەتىن باسپالداقتا 2017-جىلى تۋعان قىزعا سەكسۋالدىق سيپاتتاعى زورلىق-زومبىلىق ارەكەتىن جاساعان.
سوت ۇكىمىمەن سوتتالۋشى قازاقستان رەسپۋبليكاسى قىلمىستىق كودەكسىنىڭ 121-بابى 4-بولىگىمىن كىنالى دەپ تانىلدى. وعان پەداگوگيكالىق جانە كامەلەتكە تولماعاندارمەن جۇمىس ىستەۋگە بايلانىستى قىزمەتپەن اينالىسۋ قۇقىعىنان ءومىر بويىنا ايىرا وتىرىپ 20 جىلعا باس بوستاندىعىنان ايىرۋ جازاسى تاعايىندالدى.
«جازانى قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيتىن بولادى. ۇكىم زاڭدى كۇشىنە ەنگەن جوق»، - دەلىنگەن تۇركىستان وبلىستىق سوتىنىڭ باسپا ءسوز قىزمەتى ۇسىنعان اقپاراتتا.
ايتا كەتەيىك، بۇدان الدىن بالاعا سەكسۋالدىق سيپاتتاعى ارەكەتتەر جاساۋ كۇدىگىمەن ارىس تۇرعىنى ۇستالعانىن جازعان بولاتىنبىز.
