تۇركىستان، قىزىلوردا، تارازداعى ورىس مەكتەپتەرى قالاي جۇمىس ىستەيدى
استانا. KAZINFORM - وقۋ-اعارتۋ ءمينيسترى عاني بەيسەمبايەۆ ۇكىمەتتەگى بريفينگتە «تۇركىستان، قىزىلوردا، تاراز قالالارىندا اشىلاتىن ورىس ءتىلدى مەكتەپتەرگە سۇرانىس بار ما؟» دەگەن سۇراققا جاۋاپ بەردى.
- بۇل زەرتتەلىپ-زەردەلەنگەن جۇمىس، اتالعان وڭىرلەردەگى مەكتەپتەرگە بالاسىن بەرگىسى كەلەتىن بارلىق ازاماتتاردىڭ ۇسىنىستاردى زەرتتەپ كوردىك. ءۇش وڭىردە سالىناتىن مەكتەپتەردىڭ ءارقايسىسىندا 1200 وقۋشى ورنى بار. بۇل باعىتتا ءالى دە جۇمىستار جۇرگىزىلىپ جاتىر، جالپى سۇرانىس بار، - دەپ جاۋاپ بەردى وقۋ-اعارتۋ ءمينيسترى.
سونىمەن بىرگە، مەكتەپ قۇرىلىسى رەسەي قاراجاتىنىڭ ەسەبىنەن جۇرگىزىلسە، وقىتۋ پروتسەسى قازاقستاننىڭ مەملەكەتتىك ستاندارتى شەڭبەرىندە جۇرگىزىلەدى.
ايتا كەتەيىك، ر ف پرەزيدەنتى ۆلاديمير پۋتين قازاقستان رەسپۋبليكاسىنا كەزەكتى مەملەكەتتىك ساپارىندا «كازاحستانسكايا پراۆدا» گازەتىنە بەرگەن ماقالاسىندا قىزىلوردا، تاراز جانە تۇركىستان قالالارىندا ورىس ءتىلدى مەكتەپتەر اشىلاتىنىن مالىمدەگەن ەدى.
