تۇركىستان نەگە اراقسىز قالا بولا الماي وتىر- اكىمدىك جاۋابى
KAZINFORM. استانا - تۇركىستان وبلىسى اكىمىنىڭ ورىنباسارى بەيسەنباي تاجىبايەۆ تۇركىستان قالاسى نەگە وڭىردەگى «اراقسىز اۋىل» جوباسىنا قاتىسپاي جاتقانىن ءتۇسىندىردى.
ءماجىلىستىڭ جالپى وتىرىسىندا دەپۋتات ارداق نازاروۆ قالاعا ەرەكشە مارتەبە بەرۋدى كوزدەيتىن زاڭ جوباسىن تالقىلاۋ كەزىندە تۇركىستاندى اراقسىز قالاعا اينالدىرۋعا نە كەدەرگى بولىپ تۇرعانىن سۇرادى.
- تۇركىستان وبلىسىندا ارنايى «ىشىمدىكسىز اۋىل» دەگەن جوبا جاريالانعان. قازىر جوباعا 30 دان استام اۋىل قاتىسىپ جاتىر. بۇل باستامانى تۇركىستان قالاسىنىڭ زيالى قاۋىمى مەن اقساقالدارى ءتۇرلى فورماتتا تالقىلادى. دەگەنمەن، تۇركىستان قالاسىنىڭ نەگىزگى باسىم باعىتتارىنىڭ قاتارىندا رۋحاني- مادەني دامۋمەن قاتار تۋريستىك باعىتتاعى قالا رەتىندە بەكىتىلىپ وتىر. سوندىقتان بيزنەس قاۋىمداستىق بۇل ماسەلەگە ءوز كوزقاراستارىن ايتىپ جاتىر. اتالعان ماسەلە ورىندى. زاڭ جوباسى قابىلدانىپ جاتسا، بۇل ماسەلەنى دە ءتيىستى زاڭ نورمالارى اياسىندا قاراستىرۋ كەرەك دەپ ەسەپتەيمىز، - دەدى اكىمدىك وكىلى.
ايتا كەتەيىك، اتالعان قۇجات اياسىندا قوجا احمەت ياسساۋي كەسەنەسىنەن 100 مەتر راديۋستا بيىك عيمارات سالۋعا زاڭمەن تىيىم سالىنباق.
