«تۇركىستان - ءابۋ- دابي» اۋە باعىتى اشىلادى

بىرىككەن اراب امىرلىكتەرىنىڭ «Wizz Air Abu Dhabi» اۆياكومپانياسى 2024 -جىلدىڭ 16 قاڭتارىنان باستاپ «تۇركىستان - ءابۋ- دابي» باعىتىندا اۋە رەيستەرىن باستاۋدى جوسپارلاپ وتىر.

رەيستەر اپتاسىنا 3 رەت - سەيسەنبى، بەيسەنبى، سەنبى كۇندەرى زاماناۋي «AirBus 321» ۇشاقتارىمەن ورىندالاتىن بولادى. جولاقىسى ءبىر باعىتتا - 20 مىڭ تەڭگەدەن باستالماق.

بيلەتتى «wizzair.com» رەسمي سايتىنان، ءموبيلدى قوسىمشا نەمەسە اۆيابيلەتتەردى ونلاين ساتۋ سەرۆيستەرىنەن الۋعا مۇمكىندىك بار. جولاۋشىلار رەيستى ۇشۋ ۋاقىتىنان 3 ساعات بۇرىن ەشقانداي كوميسسياسىز وزگەرتە الادى. اتالعان باعىتتا ۇشۋ ۋاقىتى - 3 ساعات.

جاڭا باعىت قوس قالا تۇرعىندارى مەن قوناقتارى ءۇشىن تۋريستىك مۇمكىندىكتەردى كەڭەيتەدى.

ايتا كەتەيىك، قازىرگى تاڭدا تۇركىستان حالىقارالىق اۋەجايى ستامبۋل جانە ەل- كۋۆەيت جانە ەلىمىزدىڭ استانا، الماتى، اقتاۋ، اقتوبە، ورال جانە قاراعاندى اۋە باعىتتارىنا قىزمەت كورسەتىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى