تۇركيانىڭ وڭتۇستىك-شىعىسىندا جاپپاي تارتىپسىزدىك ورنادى

ەلدىڭ ادىلەت مينيسترلىگى كۇردتەردى قولدايتىن «تەڭدىك جانە دەموكراتيا پارتياسىنان» (د ە م) مەرياعا كانديدات ابدۋللاح زەيداندى سايلاۋ جانە سايلانۋ قۇقىعىنان ايىرىپ، مۋنيتسيپاليتەت باسشىسى لاۋازىمىن الۋ مۇمكىندىگىن بيلىكتەگى «ادىلەت جانە دامۋ پارتياسىنان» كانديدات ابدۋلحات ارۆاسقا بەردى.

وسىدان كەيىن ا. زەيداننىڭ جاقتاستارى ونى قولداۋ ءۇشىن ميتينگىگە شىقتى. ۆان پروۆينتسياسىندا نارازىلىق شەرۋلەرى باستالىپ، بىرنەشە ساعاتتىڭ ىشىندە تارتىپسىزدىككە ۇلاستى.

كەيىننەن ەلدىڭ وڭتۇستىك- شىعىسىنداعى حاككاري، ديارباكىر، باتمان، ادانا جانە باسقا دا پروۆينتسيالارىنىڭ تۇرعىندارى دا تۇركيا ادىلەت مينيسترلىگىنىڭ شەشىمىنە نارازىلىق بىلدىرە باستادى.

ۆان پروۆينتسياسى مەرىنە كانديدات ا. زەيدان 31-ناۋرىزدا وتكەن سايلاۋدا % 50,48 داۋىسپەن جەڭىسكە جەتسە، ونىڭ بيلىكتەگى پارتيادان قارسىلاسى ا. ارۆاس ەلەكتوراتتىڭ %27,15 قولداۋىنا يە بولدى.

ا. زەيداننىڭ جەڭىسىنىڭ جويىلۋىنا كۇرد ساياساتكەرىنىڭ بۇرىن سوتتالعانى نەگىز بولدى. سوناۋ 2016 -جىلى ول تەررورلىق ۇيىمدارعا كومەكتەستى دەگەن ايىپپەن ۇستالىپ، سەگىز جىلعا باس بوستاندىعىنان ايىرىلدى. 2022 -جىلى شارتتى تۇردە مەرزىمىنەن بۇرىن بوساتىلدى.

DEM پارتياسىنىڭ جاقتاستارى ۇيىمداستىرعان قالا كوشەلەرىندەگى جاپپاي تارتىپسىزدىكتەر ءالى دە جالعاسىپ جاتىر. ازاماتتار مەن پوليتسيا اراسىندا قاقتىعىس بولىپ جاتىر. ءى ءى م ارنايى جاساقتارى شەرۋشىلەردى تاراتۋ ءۇشىن سۋ اتقىشتار مەن كوزدەن جاس اعىزاتىن گاز قولدانىپ جاتىر. وڭتۇستىك- شىعىس پروۆينتسيالارىنىڭ كوشەلەرىندە پۋلەمەت اتىسىنىڭ داۋسى ەستىلەدى.

جاعدايدىڭ شيەلەنىسۋىنە بايلانىستى، بەلسەندى شارالار اياسىندا ەل بيلىگى نارازىلىق اكسيالارىنا قاتىسۋى مۇمكىن ادامداردىڭ ۆان پروۆينتسياسىنا كىرىپ-شىعۋىنا توسقاۋىل قويدى.

تارتىپسىزدىك سالدارىنان قازا تاپقاندار مەن زارداپ شەككەندەر تۋرالى اقپارات تۇسكەن جوق.

31-ناۋرىزدا تۇركيادا رەسپۋبليكا ازاماتتارى قالا مەرلەرى مەن مۋنيتسيپاليتەت باسشىلارىن سايلادى.

تۇركيانىڭ ىستامبۇل، انكارا جانە يزمير سياقتى ماڭىزدى قالالارىندا وتكەن مەر سايلاۋىندا وپپوزيتسيالىق رەسپۋبليكالىق حالىق پارتياسىنىڭ كانديداتتارى الدا كەلەدى. بۇل تۋرالى Anadolu Agency جازدى.

انكارانىڭ قازىرگى مەرى، رەسپۋبليكالىق حالىق پارتياسىنان ۇمىتكەر بولعان مانسۋر ياۆاش ءوز ورنىن ساقتاپ قالدى. بيۋللەتەندەردىڭ 41,96 پايىزىن ساناۋ قورىتىندىسى بويىنشا شەنەۋنىك 58,56 پايىز، بيلىك پارتياسىنىڭ كانديداتى تۇرعىت التىنوك 33,63 پايىز داۋىس جيناعان.

ىستامبۇلدا قازىرگى قالا مەرى ءارى رحپ كانديداتى ەكرەم يماموگلۋ جەڭىسكە جەتتى.

يزميردەگى سايلاۋدا بيۋللەتەندەردىڭ 99,09 پايىزىن وڭدەگەننەن كەيىن وپپوزيتسيا وكىلى دجەميل تۋگاي 48,88 پايىزبەن ءبىرىنشى ورىندا تۇر.

ەلدە 61 ميلليوننان استام سايلاۋشى تىركەلگەن.

سايلاۋعا 34 ساياسي پارتيانىڭ كانديداتتارى قاتىستى. ونىڭ ىشىندە پرەزيدەنت رەجەپ تايىپ ەردوعان باسقاراتىن بيلىكتەگى ادىلەت جانە دامۋ پارتياسى جانە تاۋەلسىز كانديداتتار دا بار.

اۆتور

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى