تۇركيانىڭ جۇك كەمەسى قارا تەڭىزگە باتىپ كەتتى
جەكسەنبى كۇنى قارا تەڭىز جاعالاۋىندا تۇركيانىڭ جۇك كەمەسى سۋعا باتىپ كەتتى. ونىڭ بورتىندا 12 ەكيپاج مۇشەسى بولعان. Kazinform بۇل تۋرالى سينحۋا اقپارات اگەنتتىگىنە سىلتەمە جاساپ حابارلايدى.
كەمەنىڭ سۋعا باتقانى تۋرالى مالىمەتتى دۇيسەنبىدە تۇركيانىڭ ىشكى ىستەر ءمينيسترى ءالي ەرليكايا تاراتتى.
«بيلىك ەكيپاجبەن بايلانىس ورناتا المادى»، - دەدى مينيستر ەلدىڭ سولتۇستىك- باتىسىنداعى ەرەگلي قالاسىندا تىلشىلەرگە.
ونىڭ ايتۋىنشا، «كافكامەترلەر» كەمەسى رەسەيدىڭ تەمريۋك پورتىنان تۇركيانىڭ الياگا قالاسىنا فەرروسيتسيلي تاسىمالداپ كەلە جاتقان. الايدا داۋىل سالدارىنان ەرەگلي پورتىندا تولقىننان قورعاۋ ءۇشىن ورناتىلعان كونسترۋكسيالارعا سوعىلىپ، سۋعا كەتتى.
«جەكسەنبى كۇنى ايماقتا قۋاتتى داۋىل باستالىپ، قولايسىز كۇن رايى ەل بيلىگىنە ىزدەۋ جۇمىستارىن جۇرگىزۋگە مۇمكىندىك بەرمەدى»، - دەپ قوسىپ ءوتتى ءا. ەرليكايا.
ءى ءى م باسشىسىنىڭ سوزىنشە، ىزدەستىرۋ- قۇتقارۋ جۇمىستارى اۋا رايى جاقسارعان بويدا باستالادى.
اۆتور
زارينا تۋعانبايەۆا
