تۇركيانىڭ ءدىن ىستەرى باسقارماسى اعزا دونورلىعىن قۇپتايدى

1980 - جىلى قابىلدانعان قاۋلىدا ترانسپلانتاتسياسىنىڭ ەرەجەلەرى ناقتى كورسەتىلگەن. بۇل تۋرالى تۇركيا ءدىن ىستەرى جوعارعى كەڭەسىنىڭ مۇشەسى، عالىم مەدەت جوشكۋن ءمالىم ەتتى.

تەولوگتىڭ ايتۋىنشا قاۋلىنىڭ باستى باعدارى ءدىني جازباداعى- «بىرەۋگە ءومىر سىيلاعان ادام، كوپكە ءومىر سىيلاعانمەن بىردەي، ياعني مول ساۋاپ الادى» دەگەن قاعيدامەن ءتۇسىندىردى.

مەدەت جوشكۋن، تۇركيا ءدىن ىستەرى جوعارعى كەڭەسىنىڭ مۇشەسى:

- اعزاسى الىناتىن ادامنىڭ ءتىرى كەزىندە رۇقساتى بولۋعا ءتيىس. ال مارقۇم بولىپ كەتسە جاقىندارىنىڭ وڭ شەشىم بەرۋى وتە ماڭىزدى. ءدىني تۇرعىدان ول ءۇشىن اقى بەرىلمەيدى. سونداي- اق ترانسپلانتاتسيا ارقىلى ەمدەلەتىن ناۋقاستىڭ دا كەلىسىمى كەرەك. ەگەر اتالعان شارتتار ورىندالسا، ءدىني تۇرعىداعى ءپاتۋاسى وسىنداي.

يسپانيانىڭ شىركەۋى دە دونورلىقتى قولدايدى. يسپانيادا بىلتىر 5 مىڭ 400 اعزا اۋىستىرۋ وپەراتسياسى جاسالعان. ونىڭ 2 مىڭعا جۋىعى مايىتتىك دونور ارقىلى جۇزەگە استى. ناتيجەسىندە اعزاعا مۇقتاج ناۋقاستاردىڭ ءومىرىن ۇزارتۋعا مۇمكىندىك بەرىلدى. بۇل تۇرعىدا ترانسپلانتاتسيانى ءداستۇرلى ءدىن وكىلدەرى مەن شىركەۋ قىزمەتكەرلەرى دە قولدايدى. بۇل ەلدە ون وتباسىنىڭ سەگىزى قايتىس بولعان تۋىسىنىڭ دەنە مۇشەسىن ناۋقاسقا بەرۋدى قولدايدى. حالىقتىڭ 70 پايىزعا جۋىعى حريستيان ءدىنىن ۇستاناتىنىن ەسكەرسەك، شىركەۋ قىزمەتكەرلەرى دە ۇنەمى بۇل يدەيانى قۇپتاپ، تۇرعىندارعا بۇل قادامنىڭ قاستەرلى ەكەنىن ايتىپ، ءدارىس وقيدى.

مۋنيو، شىركەۋ قىزمەتكەرى:

- اعزانى دونارلىققا بەرۋ تولىعىمەن تەگىن جانە ىزگى نيەتپەن جاسالۋعا ءتيىس. مۇندا ادامگەرشىلىك، مەيىرىمك پەن جاناشىرلىق بار. الايدا دونارلىقتا شىركەۋ تىيىم سالاتىن ادامدار بار، بۇلار باس بوستاندىعىنان ايىرىلىپ، تۇرمەدە وتىرعاندار. مۇنداي ادامداردىڭ اعزاسى قايتىس بولعاننان كەيىن دە الىنباۋى مۇمكىن.

شىركەۋ قىزمەتكەرلەرى دونارلىق بويىنشا ءدارىس ۇيىمداستىرۋدى داستۇرگە اينالدىرعان. مىسالى، وسىنداي ءبىر دارىستەن كەيىن جاسى 45-كە كەلگەن ليديا بەنيتەس ويى وزگەرگەنىن ايتادى.

ليديا بەنيتەس، كاسىپكەر:

- مەنىڭ مەديتسينالىق ساقتاندىرۋىمدا قايتىس بولعاننان كەيىن دەنە مۇشەلەرىمدى دونارلىققا بەرۋگە كەلىسىم بار. ونى مەن 5 جىل بۇرىن راسىمدەپ قويعانمىن. ءوزىم دە وسى باعىتتا كوپ ويلانىپ ءجۇر ەدىم. ءدىن وكىلدەرى شەشىمدى وڭاي قابىلداۋىما تۇرتكى بولدى.

يسپانيا دەنساۋلىق ساقتاۋ مينيسترلىگىنىڭ اقپاراتى بويىنشا، ەلدە بىلتىر 5400 ترانسپلانتاتسيالىق وتا جاسالعان. ونىڭ ىشىندە، 2 مىڭعا جۋىق دەنە مۇشەسى قايتىس بولعان دونوردان، ال 300- ءى ءتىرى ادامنان الىندى. ناتيجەسىندە، مۇقتاج ناۋقاستار ءۇشىن بۇيرەك، باۋىر، جۇرەك، وكپە، ۇيقى بەزى مەن ىشەك وپەراتسياسى ءساتتى جاسالعان.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى