تۇركيانىڭ بەس ەلدى مەكەنىندە ءبىر عانا ادامنان تۇرادى
استانا. KAZINFORM - تۇركيانىڭ سوڭعى رەسمي ستاتيستيكاسى ەلدىڭ ءىرى قالالارىندا حالىقتىڭ شامادان تىس كوپ ەكەنىن، ال كەيبىر ايماقتا ادام مۇلدە جوق ەكەنىن كورسەتتى، دەپ حابارلايدى Kazinform ءتىلشىسى.
تۇركيا ستاتيستيكا مەكەمەسىنىڭ (TÜİK) 2024 -جىلعى مالىمەتى بويىنشا تۇركيا حالقىنىڭ سانى 85664944 كە جەتتى.
وسىعان قاراماستان، ەلدە ءبىر عانا ادام ءومىر ءسۇرىپ جاتقان ەلدى مەكەندەر بار. بەلگىلى بولعانداي، بۇگىندە تۇركياداعى بەس اۋىلدىڭ ءارقايسىسىندا ءبىر عانا تۇرعىن بار.
شىرناك - اگاچيۋردۋ (گۇچليۋكوناك اۋدانى)
سييرت - چاتتەپە (كۋرتالان اۋدانى)
يگدير - تارلاباسى (اراليك اۋدانى)
بيتليس - كايالىباع (ورتالىق اۋدان)
بينگول - چوماككوي (كيگى اۋدانى)
بۇل جەرلەردە اۋىل ءومىرى توقتاپ قالعانداي جانە بارعان سايىن وركەنيەتتىڭ ءىزى دە ازايىپ بارادى.
تۇركيادا 10 نەمەسە ودان از حالقى بار 57 اۋىل بار، بۇل ۋربانيزاتسيا جانە ۇلكەن قالالارعا كوشۋ ءۇردىسىن راستايدى.
ءبىز بۇعان دەيىن تۇركيانىڭ قارتايعان حالىق ماسەلەسىمەن بەتپە-بەت كەلگەنى تۋرالى جازعان بولاتىنبىز. ەلدىڭ كەيبىر پروۆينتسيالارىندا تۇرىك حالقىنىڭ قارتايۋى ورتاشا 43 جاسقا جەتتى.
