تۇركيالىق كومپانيالار قازاقستاندا كەمە قۇراستىراتىن زاۋىت سالادى
استانا. قازاقپارات - تۇركيا كومپانيالارى قازاقستاندا كەمە قۇراستىراتىن زاۋىت سالادى. ءوندىرىس ورنى قۇرىق پورتىنىڭ جانىندا ورنالاسپاق. بۇل تۋرالى ماجىلىستە وتكەن ۇكىمەت ساعاتىندا كولىك ءمينيسترى مارات قارابايەۆ مالىمدەدى.
ونىڭ ايتۋىنشا، وتاندىق فلوتتىڭ جەتىسپەۋشىلىگى وزەكتى ماسەلەلەردىڭ ءبىرى. ال كەمە زاۋىتى وسى باعىتتى دامىتۋعا دەم بولادى. سونداي-اق، مينيستر ترانزيتىك تاسىمالداعى جۇك اعىنىن ارتتىرۋ ءۇشىن شەتەلدەردە قوسىمشا سىرتقى تەرمينالدار اشىلىپ، ولاردىڭ قۋاتتىلىعى 5 ەسەگە وسەتىنىن ايتتى.
مارات قارابايەۆ، ق ر كولىك ءمينيسترى:
- بۇگىندە قۇرىق- اليات قاتىناسىندا تەك ازەربايجاندىق پارومدار جۇمىس ىستەيدى. قازىردىڭ وزىندە بىزگە ەڭ كەمىندە 7 بىرلىك كەمە قاجەت. ونىڭ ءوندىرىسىن قالىپتاستىرۋ ءۇشىن تۇركيالىق YDA جانە ASFAT كومپانيالارى قۇرىق پورتىنىڭ جانىندا ارنايى زاۋىت قۇرىلىسىن جوسپارلاپ وتىر .
قازاقستاندىق دالىزدەرگە جۇك اعىندارىن تارتۋ ءۇشىن ىشكى تەرمينالدارمەن قاتار، شەت ەلدەردىڭ جۇك جيناقتالاتىن اۋماقتارىندا سىرتقى تەرمينالدار دا قالىپتاستىرىلىپ جاتىر. قازىر، ليانيۋنگان پورتىندا جانە سيان قالاسىنىڭ قۇرعاق پورتىندا قازاقستان-قىتاي تەرمينالدارى بار، سونداي-اق گرۋزيانىڭ پوتي پورتىندا قازاقستاندىق كاسىپكەردىڭ تەرمينالى جۇمىس جاساۋدا.
