تۇركياداعى سايلاۋ كەزىندە جانجال شىقتى، قۇرباندار بار

ءبىرىنشى جاعداي ديارباكىر وبلىسىنىڭ سۋر اۋدانىنداعى وگوچليدارا توڭىرەگىندە بولدى. مۋنيتسيپالدىق سايلاۋعا داۋىس بەرۋ كەزىندە تارتىپسىزدىكتەر بولدى. جانجال كەزىندە تاس، تاياق، ءتىپتى تاپانشا قولدانىلعان.

الدىن الا مالىمەت بويىنشا، وقيعا سالدارىنان 44 جاستاعى ەمين چەليك قازا تاۋىپ، تاعى 11 ادام جاراقات العان. زارداپ شەككەندەر قالاداعى اۋرۋحانالارعا جەتكىزىلدى.

وقيعا كەزىندە ايماققا جىبەرىلگەن ەكى جەدەل جاردەم كولىگىنە دە شابۋىل جاسالعان. قايعىلى وقيعاعا نە سەبەپ بولعانى ازىرگە بەلگىسىز. جەرگىلىكتى قۇقىق قورعاۋ ۇيىمدارى ايماقتا قاۋىپسىزدىك شارالارىن جۇرگىزىپ جاتىر.

بۋرسا وبلىسىندا دا توبەلەس بولىپ، ءبىر ادام قازا تاۋىپ، ەكى ادام جارالاندى. جانجالعا 32 جاستاعى يۋسۋف يگيت ەسىمدى جىگىتتىڭ ەكى تۋىسى مەملەكەتتىك قىزمەتكە ۇسىنىلعانىنا قاراماستان، ول اۋىل باسشىسى لاۋازىمىنا باسقا جەرگىلىكتى رۋدان شىققان كانديداتتى قولداۋى سەبەپ بولعان. جاس جىگىت پەن ونىڭ ەكى تۋىسىنىڭ اراسىندا توبەلەس شىعىپ، سالدارىنان تۋىستارىنىڭ ءبىرى مىلتىق الىپ، وق جاۋدىرعان. جاس جىگىت سول جەردە كوز جۇمدى، ەكى ادام زارداپ شەككەن.

ايتا كەتەيىك، 31-ناۋرىزدا تۇركيادا مۋنيتسيپالدى سايلاۋ ءوتتى. سايلاۋ 08:00-دە باستالىپ، 17:00-دە اياقتالادى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى