تۇركياداعى نارازىلىقتار: «بولاشاق» ستيپەندياتتارىنا قاۋىپ بارما
استانا. KAZINFORM - حالىقارالىق باعدارلامالار ورتالىعى تۇركياداعى جاعدايدى باقىلاۋدى جالعاستىرىپ، ستيپەندياتتارمەن بايلانىستا ەكەنىن مالىمدەدى، دەپ حابارلايدى Kazinform اگەنتتىگى.
- تۇركياداعى احۋالعا بايلانىستى «حالىقارالىق باعدارلامالار ورتالىعى» ا ق ەلدەگى 25 ستيپەندياتتىڭ تاعىلىمداما باعدارلامالارى بويىنشا ءبىلىم الىپ جاتقانىن حابارلايدى. بارلىق ستيپەندياتتار قاۋىپسىز جەردە. ولار ورتالىقتىڭ كۋراتورلارىمەن جانە قازاقستان رەسپۋبليكاسىنىڭ ديپلوماتيالىق وكىلدىكتەرىمەن تۇراقتى بايلانىستا. قاجەت بولعان جاعدايدا كومەككە جۇگىنە الادى، - دەپ جازىلعان حابارلامادا.
بۇعان دەيىن قازاقستاننىڭ تۇركياداعى ەلشىلىگى نارازىلىققا بايلانىستى قازاقستاندىقتارعا ۇندەۋ جاساعان بولاتىن.
- ەڭ باستىسى - زارداپ شەككەندەر جوق. بۇل سىرتقى ىستەر مينيسترلىگىنىڭ، باس كونسۋلدىقتىڭ جانە انكاراداعى ەلشىلىگىمىزدىڭ بەلسەندى جۇمىسىنىڭ ناتيجەسى. ءبىزدىڭ ىستانبۇل، يزمير جانە انتاليا قالالارىندا باس كونسۋلدىقتار بار. نارازىلىق باستالعان ساتتەن پرواكتيۆتى جۇمىس جۇرگىزدىك. ءبىز ازاماتتارىمىزدى، اسىرەسە ستۋدەنتتەر مەن تۋريستەردى بىردەن ەسكەرتىپ، جاپپاي جينالاتىن جانە نارازىلىق وتەتىن ورىنداردا بولماۋعا شاقىردىق، - دەدى سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين.
سوڭعى دەرەك بويىنشا، تۇركيادا ىستانبۇل مەرىنىڭ ۇستالۋىنا قارسى نارازىلىق كەزىندە 1400 دەن استام ادام تۇتقىندالدى.
