تۇركياداعى نارازىلىق: 1900 گە جۋىق ادام ۇستالدى
استانا. KAZINFORM - تۇركيادا 19-25 -ناۋرىز ارالىعىندا جاپپاي نارازىلىقتار كەزىندە 1879 ادام ۇستالدى. بۇل تۋرالى 27 -ناۋرىز، بەيسەنبى كۇنى ەلدىڭ ىشكى ىستەر ءمينيسترى الي ەرليكايا مالىمدەدى، دەپ حابارلايدى DW.
ءمينيستردىڭ ايتۋىنشا، ۇستالعانداردىڭ 260 ى سوت پروتسەسىن كۇتىپ قاماۋدا وتىر، 662 ادامنىڭ ىستەرى سوت قاراۋىندا، ال 489 ادام بوساتىلعان.
تۇركيانىڭ ىشكى ىستەر مينيسترلىگى dpa اگەنتتىگىنە حابارلاعانداي، بارلىق نارازىلىق بىلدىرۋشىلەر قۇقىق قورعاۋ ورگاندارىنا قارسىلىق كورسەتكەنى ءۇشىن ۇستالعان.
ەرليكايانىڭ سوزىنشە، جاپپاي نارازىلىقتار بارىسىندا 150 پوليتسيا قىزمەتكەرى جاراقات العان. ەلدە كوپشىلىك جينالىستار وتكىزۋگە سالىنعان تىيىم 1-ساۋىرگە دەيىن ۇزارتىلدى.
بۇعان دەيىن 1100 دەن استام ادامنىڭ ۇستالعانى تۋرالى حابارلانعان ەدى.
ايتا كەتەيىك، تۇركيادا ستامبۋل مەرى جانە وپپوزيتسيا جەتەكشىلەرىنىڭ ءبىرى ەكرەم يماموگلۋ ۇستالىپ، كەيىن قاماۋعا الىنعان سوڭ جاپپاي نارازىلىقتار باستالدى.
