تۇركياداعى مۋنيتسيپالدى سايلاۋدا وپپوزيتسيالىق ساياساتكەرلەر الدا كەلەدى

انكارانىڭ قازىرگى مەرى، رەسپۋبليكالىق حالىق پارتياسىنان ۇمىتكەر بولعان مانسۋر ياۆاش ءوز ورنىن ساقتاپ قالدى. بيۋللەتەندەردىڭ 41,96 پايىزىن ساناۋ قورىتىندىسى بويىنشا شەنەۋنىك 58,56 پايىز، بيلىك پارتياسىنىڭ كانديداتى تۇرعىت التىنوك 33,63 پايىز داۋىس جيناعان.

ىستامبۇلدا قازىرگى قالا ءمەرى ءارى رحپ كانديداتى ەكرەم يماموگلۋ جەڭىسكە جەتتى. سايلاۋ بيۋللەتەندەرىنىڭ %67,96 ىن ساناعاننان كەيىن ول %50,31، ونىڭ باسەكەلەسى مۇرات كۋرۋم %40,99 داۋىس جينادى.

يزميردەگى سايلاۋدا بيۋللەتەندەردىڭ 99,09 پايىزىن وڭدەگەننەن كەيىن وپپوزيتسيا وكىلى دجەميل تۋگاي 48,88 پايىزبەن ءبىرىنشى ورىندا تۇر.

ەستەرىڭىزگە سالا كەتەيىك، 31-ناۋرىزدا تۇركيادا مۋنيتسيپالدى سايلاۋ ءوتىپ، ونىڭ بارىسىندا ازاماتتار ءىرى قالالاردىڭ، اۋدانداردىڭ اكىمدەرىن جانە مۋنيتسيپالدى كەڭەس مۇشەلەرىن سايلادى.

ەلدە 61 ميلليوننان استام سايلاۋشى تىركەلگەن، ولار ءۇشىن 206845 سايلاۋ ۋچاسكەسى اشىلعان.

سايلاۋعا 34 ساياسي پارتيانىڭ كانديداتتارى قاتىستى. ونىڭ ىشىندە پرەزيدەنت رەجەپ تايىپ ەردوعان باسقاراتىن بيلىكتەگى ادىلەت جانە دامۋ پارتياسى جانە تاۋەلسىز كانديداتتار دا بار.

اۆتور
ەركەجان سماعۇلوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى