تۇركيادا ىستامبۇل مەرىنىڭ ۇستالۋىنا قارسى نارازىلىق كەزىندە 1400 دەن استام ادام تۇتقىندالدى
استانا. KAZINFORM - تۇركيانىڭ قاۋىپسىزدىك كۇشتەرى وتكەن اپتادا ىستامبۇل مەرى ەكرەم يماموگلىنىڭ ۇستالۋىنا بايلانىستى نارازىلىقتار باستالعاننان بەرى 1418 كۇدىكتىنى تۇتقىنداعان. بۇل تۋرالى ەلدىڭ ىشكى ىستەر ءمينيسترى الي ەرليكايا سەيسەنبى كۇنى X الەۋمەتتىك جەلىسىندە حابارلادى، دەپ جازدى شينحۋا.
- قازىر 979 كۇدىكتى قاماۋدا بولسا، 478 ءى سوت ورگاندارىنا تاپسىرىلادى، - دەدى ول.
نەگىزگى وپپوزيتسيالىق رەسپۋبليكالىق حالىق پارتياسىنىڭ (CHP) ءتوراعاسى وزگۋر وزەل سەيسەنبى كۇنى كەشكە ىستامبۇلدىڭ ساراچحانە اۋدانىنداعى شەرۋلەردى اياقتايتىنىن ايتتى.
ە. يماموعلى پارا الدى جانە لاڭكەستىك توپقا كومەكتەستى دەگەن ايىپپەن ۇستالعان سوڭ 19-ناۋرىزدان بەرى ونداعان مىڭ ادام كوشەگە شىقتى. الداعى پرەزيدەنتتىك سايلاۋدا پرەزيدەنت رەجەپ تايىپ ەردوعاننىڭ باستى باسەكەلەسى CHP اتىنان شىققان ە. يماموگلۋ سانالادى.
ەردوعان دۇيسەنبى كۇنى شەرۋلەردى «زورلىق-زومبىلىق قوزعالىسىنا» اينالدىرعان ج ە و- نى ايىپتادى. ج ە و جانە ونىڭ جاقتاستارى «پوليتسيا قىزمەتكەرلەرىن جاراقاتتاعانى، دۇكەندەردى قيراتقانى جانە قوعامدىق مۇلىككە زيان كەلتىرگەنى ءۇشىن» جاۋاپ بەرۋى كەرەك»، - دەدى ول.
ايتا كەتەيىك، 19-ناۋرىز كۇنى ىستانبۇل مەرى جانە تۇركيا پرەزيدەنتى رەجەپ تايىپ ەردوعاننىڭ باستى ساياسي قارسىلاسى ەكرەم يماموگلۋدى قاماۋعا الۋ تۋرالى وردەر شىققان بولاتىن.
سودان كەيىن ىستانبۇل مەرى ەكرەم يماموگلۋ ارنايى وپەراتسيا كەزىندە ۇستالدى.
ىستانبۇل، انكارا، يزمير جانە ريزە قالالارىندا جاپپاي نارازىلىق شەرۋلەرى ءوتتى.
ەردوعان ىشكى ماسەلەلەردى ساياسيلاندىرۋ ارەكەتى ءۇشىن وپپوزيتسيانى سىنعا الدى.
سىبايلاس جەمقورلىق بويىنشا ايىپتالعان ىستانبۇل مەرى قاماۋعا الىنىپ، قىزمەتىنەن ۋاقىتشا شەتتەتىلدى.
تۇركياداعى زاڭسىز نارازىلىقتار كەزىندە 123 پوليتسيا قىزمەتكەرى جارالانىپ، 1133 ادام ۇستالدى.
انكارادا 1-ساۋىرگە دەيىن جاپپاي ميتينگى وتكىزۋگە تىيىم سالىندى.
ەردوعان «ارانداتۋشىلىقتى توقتاتۋعا» شاقىردى.
