تۇركيادا ەسكى دوللار اينالىمنان الىنىپ جاتىر
استانا. KAZINFORM - تۇركيادادا ەسكى دوللار كۋپيۋراسىن قابىلداۋ توقتاتىلدى. بۇل تۋرالى Kazinform-نىڭ مەنشىكتى ءتىلشىسى حابارلايدى.
مۇنداي شەشىم قابىلداۋعا ساپاسى جاعىنان ناعىز كۋپيۋرادان ەرەكشەلەنبەيتىن جالعان دوللارلاردىڭ كوپتەپ تارالۋى سەبەپ بولدى.
تۇرىك ساراپشىلارىنىڭ پىكىرىنشە، جاڭا جالعان بانكنوتتار ءتىپتى زاماناۋي ساناۋ ماشينالارىنان وتە الادى، بۇل ءوز كەزەگىندە ولاردى انىقتاۋ جۇمىسىن قيىنداتادى. وسىعان بايلانىستى قارجى ينستيتۋتتارى ەسكى بانكنوتتارمەن جۇمىس ىستەۋدەن باس تارتىپ، ساقتىق شارالارىن قابىلداۋعا ءماجبۇر.
مامانداردىڭ ايتۋىنشا، تۇركيا نارىعىندا 600 ميلليون دوللارعا جۋىق جالعان 50 جانە 100 دوللارلىق كۋپيۋرالار بار.
بۇل جاعداي دوللار نەگىزگى ۆاليۋتاسى بولىپ قالا بەرەتىن ازاماتتار مەن كاسىپكەرلەردىڭ الاڭداۋشىلىعىن تۋدىردى. قارجى ساراپشىلارى تاۋەكەلدەردى بولدىرماۋ ءۇشىن قولما- قول اقشامەن، اسىرەسە ەسكى كۋپيۋرالارمەن جاسالاتىن ءىرى وپەراتسيالاردان ۋاقىتشا باس تارتۋعا كەڭەس بەرەدى.
بۇعان دەيىن جالعان كۋپيۋرا جاساۋعا كوبىنەسە 50 جانە 100 دوللارعا باسىمدىق بەرەتىنى حابارلانعان بولاتىن.
