تۇركيادا جول اپاتىنان قازا تاپقان قازاقستاندىق ەرلى-زايىپتىنىڭ بالالارىن كىمدەر اسىراپ الدى

كەيىنىرەك مارقۇم تانىمال جۋرناليست ارايلىم نۇعمانوۆا مەن ونىڭ ەكى جاسار قىزى ەكەنى بەلگىلى بولدى. سونداي-اق، ءبىراز ۋاقىتتان كەيىن وسى جول اپاتى سالدارىنان ونىڭ كۇيەۋى دە كوز جۇمدى.

مارقۇمداردىڭ بالالارىن اتىراۋلىق انار جەڭىسوۆا قامقورلىعىنا الدى، - دەپ حابارلايدى Massaget.kz ءتىلشىسى.

بۇل تۋرالى اتىراۋ قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ الەۋمەتتىك جەلىدەگى پاراقشاسىندا جازىلدى. وندا بۇرىن وسى ءبولىمدى باسقارعان انار جەڭىسوۆا ءوز ەركىمەن جۇمىستان شىققانى، وعان سەبەپ وتباسىنا كەنەت تۇسكەن اۋىر قايعى ەكەنى ايتىلادى.

«انار جەڭىس قىزى جۇمىستان كەتۋ جاعدايىن وتباسىلارىنا كەنەتتەن تۇسكەن اۋىر جاعدايدان كەيىن، ءوز قامقورشىلىعىنا العان، اتا-اناسىز قالعان بالالاردىڭ كۇتىمىن جاساۋ ماقساتىندا ەكەنىن ايتتى. جاقىندا تۋرتسيا ەلىندە جول-كولىك اپاتىنان قايتىس بولعان جاقىن تۋىستارى مارقۇم قۇرماشيەۆ نۇربولات پەن نۇعمانوۆا ارايلىمنىڭ ارتىندا قالعان ەكى ءبۇلدىرشىننىڭ ءبىرى ەرەكشە كۇتىمدى قاجەت ەتەتىندىكتەن، قيىن بولسا دا جۇمىستان شىعۋ تۋرالى شەشىمدى قابىلداعان انار جەڭىس قىزى مەملەكەتتىك قىزمەتتە 2010-جىلدان بەرى ابىرويلى، قاجىرلى قىزمەت ەتىپ كەلە جاتقان بولاتىن. انار جەڭىس قىزىنىڭ جۇمىستان كەتۋىن ءبولىم ۇجىمى قيماستىقپەن قابىلداپ، قامقورلىعىنا العان بالالاردىڭ امان-ەسەن، ەرتەرەك ەر جەتىپ كەتۋىنە تىلەكتەستىكتەرىن ءبىلدىردى»، - دەلىنگەن حابارلامادا.

ەسكە سالايىق، بۇعان دەيىن قازاقستاندىق جۋرناليست تۇركيادا ەكى جاسار قىزىمەن بىرگە جول اپاتىنان قازا تاپقانى حابارلانعان ەدى. كەيىن جۋرناليستىڭ كۇيەۋى دە قايتىس بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى